माघ १५ गतेसम्म सबै स्कूलहरु बन्द गर्ने निर्णय

न्यूज ब्यूरो, जनकपुरधाम । आगामी माघ महिनाको १५ गतेसम्म देशैभरिको सबै विद्यालयहरु बन्दको निर्णय गरिएको छ ।

आईतबार बसेको सिसिएमसीको बैठकबाट कोभिड–१९ संक्रमण तीब्र गतिमा बढ्न थालेपछि माघ १५ गतेसम्म विद्यालय बन्द गर्ने निर्णय भएको हो ।

कोभिड–१९ संकट व्यबस्थापन समन्वय केन्द्र ९सीसीएमसी०को बैठकले कोरोना रोकथामका लागि विद्यालय बन्द गर्ने निर्णय गरेको हो । सीसीएमसी प्रवक्ता सुनिता नेपालले विद्यालय बन्द गर्ने निर्णय भएको पुष्टि गरिन् ।

पछिल्लो समय नेपालमा संक्रमित संख्या बढ्न थालेको छ । अहिलेसम्म माओवादी अध्यक्ष प्रचण्ड र अन्य दर्जनौं नेतामा संक्रमण देखिएको छ । प्रधानमन्त्री शेरबहादुर देउवा नै आइसोलेशनमा बसिसकेका छन् ।

कतिपय विद्यालयमा हिउँदे विदा पनि जारी रहेकाले त्यसलाई माघ १५ गतेसम्म लम्ब्याउने गरी निर्णय गरेका हौं, यसले संक्रमणको चेन ब्रेक गर्ने अपेक्षा छ’ उनले भनिन्, ‘ निर्णय कार्यान्वयनका लागि सम्बन्धित मन्त्रालयहरुमा सिफारिस गरिसकेका छौं ।’

बैठकले विद्यालय बन्द रहेको अवस्थामा पनि १२ देखि १७ वर्षसम्मका विद्यार्थी र १८ वर्षदेखि माथिका शिक्षक, कर्मचारी र अभिभावकलाई खोप लगाउन पनि आग्रह गरेको छ ।