मोनाष्टिकको ३६ औँ वार्षिकोत्सवमा रक्तदान, ३ दर्जन बढीले गरे रगत दान

न्यूज ब्यूरो, जनकपुरधाम । प्रदेश नम्बर २ को अस्थायी राजधानी जनकपुरधामस्थित चर्चित मोनाष्टिक आवासीय विद्यालयले आफ्नो वार्षिकोत्सवको अवसरमा रक्तदान कार्यक्रम सम्पन्न गरेको छ ।

नेपालको शैक्षिक क्षेत्रमा महत्त्वपूर्ण योगदान दिदै आएको जनकपुरको मुटुमा अवस्थित मोनाष्टिक आवासीय माध्यमिक विद्यालयले ३६औं वार्षिकोत्सबको अवसर पारेर रक्तदान कार्यक्रम गरेको हो ।

जनकपुर र आसपासको क्षेत्रमा रगत अभाव हुन नदिन तथा समाजसेवाको हिसाबले रक्तदान जीवनदान भन्ने नारा सहित शनिबार विद्यालयले रक्तदान गरेको छ ।

शनिबार विहान ९ बजेदेखि दिउँसो १२ बजेसम्म भएको रक्तदान कार्यक्रममा तीन दर्जनभन्दा बढी शिक्षक, शिक्षिका, विद्यार्थी तथा आम नागरिकले रक्तदान गरेको विद्यालयका प्रबन्धक निर्देशक डा. सोनु साहले जानकारी दिए ।

विद्यालयका प्रबन्धक निर्देशक डा. साहकै अध्यक्षतामा भएको सो कार्यक्रममा विद्यालयका शिक्षक,कर्मचारी ,अभिवाक,र सर्वसाधारणको मोटो उपस्थितिमा ३८ जनाले रक्तदान गरेको साहले जनाए ।

रक्तदान कार्यक्रममा राजकुमार महासेठ, रोशन प्रधान, मनिषा गुप्ता, निरज कुमार साह, आशिष साह, लव कुमार यादव, प्रसिद्ध दाहाल, अन्कृत श्रेष्ठ, कागज यादव, मनिषा यादव, नरेश यादव, रमेश कुमार साह, दिनेश कुमार कर्ण, सरिस्मा आले, चन्द्रलत्ता झा, सीमा यादव, मिना शर्मा, मनिषा पासवान, रामपुनित यादव, पवन यादव, बिबेक महतो, गौरव जयसवाल, दिपेन्द्र झा, रुपेश यादव, विशाल साह, यज्ञ यादव, प्रशान्त महतो, सुरेश साह, सुमन राउत, श्रवण मण्डल, निशान्त चौधरी, बब्लु ठाकुर, सरोज कुशवाहा, नागेन्द्र दास, डा. विनिता सिवाली, सुनिल मण्डल, राहुल पँजीयार र साबिर खानले रक्त दिएका हुन् ।

विद्यालयले प्रत्येक वर्ष आफ्नो वार्षिकोत्सवमा समाजीक हितको कार्यक्रमहरु गर्दै आएको छ । जनचेतनामूलक रयाली, सचेतनात्मक कार्यक्रम सहित समाजमुखी कार्यहरु गर्दै आएको छ ।