हिन्दुहरुको महान आस्था 'झण्डा' मेलाः नेता साह

न्यूज ब्यूरो, जनकपुरधाम । लोकतान्त्रिक समाजवादी पार्टी (लोसपा) का नेता सँजय कुमार साहले झण्डा महोत्सव हिन्दु धर्मावलम्बीहरुको लागि महान आस्थाको रुपमा रहेको बताएका छन् ।

शनिबार जनकपुरधाम उपमहानगरपालिका वडा नम्बर २० रुपैठास्थित आयोजना गरिएको झण्डा महोत्सवलाई उदघाटन गर्दै नेता साहले बजरँगबली अवतारीत भनिने झण्डा हिन्दुहरुको आस्था मात्र नभई एक विश्वास समेत जोडिएको बताए ।

तराई मधेश, मिथिला र हिन्दुहरुको संस्कृतिको संरक्षण सम्वद्र्धन तथा धर्मप्रतिको आस्थालाई कायम राख्न झण्डाको आफ्नो महत्व रहेको नेता साहले बताए ।

विश्व कल्याण हेतु झण्डाको महत्वलाई अझै जगजाहिर गर्दै हिन्दु समुदाले यसलाई जीवन्त राख्न अनेकौँ प्रयास गरिरहेकोप्रति कृतज्ञता प्रकट गरे ।

लोकतान्त्रिक समाजवादी पार्टीका केन्द्रिय सहकारी विभागका प्रमुख समेत रहेका नेता साहले उक्त झण्डा मेलाको रिवन काटेर समुद्घाटन गरेका हुन । आज देखी सुरु भएको श्री श्री १०८ श्री महाविर झण्डा मेला पुष ५ गतेसम्म चल्ने छ ।

मेलामा महाविरको झण्डा ५५ फिट अग्लो निर्माण गरिएको श्री आदर्श गणेश युवा कमिटीका अध्यक्ष कारी दासले बताए ।

मेलामा मनोरजंनका लागि सांस्कृतिक कार्यक्रमको आयोजना समेत गरेको हो । समुद्घाटन कार्यक्रममा लोसपाका नगर अध्यक्ष रामचन्द्र पजियार, कमिटीका कोषाध्यक्ष महन्था महतो सचिब धर्मेन्द्र कुमार महतो लगायत स्थानीयको उल्लेखनीय उपस्थिति रहेको थियो ।