जिल्ला प्रहरी कार्यालय धनुषाको भ्यानमा टिकटकरको मस्ती

न्यूज ब्यूरो, जनकपुरधाम । जिल्ला प्रहरी कार्यालय धनुषाको भ्यान (गाडी) मा एक युवकले टिकटकरले मस्ती गरेको देखिएको छ ।

जिल्ला प्रहरी कार्यालय धनुषाको भ्यानमा एक युवकले टिकटक भिडियो बनाएर टिकटक प्लेटफर्ममा अपलोड गरिदिएको छ ।

दृश्य हेर्दा जिल्ला प्रहरी कार्यालय भित्रै पार्किँग गरि राखिएको अवस्थामा टिकटक भिडियो बनाइएको बुझिएको छ , यद्यपी भ्यान कुन ठाउँमा पार्क गरिएको बारे खुलेको छैनन् ।

जिल्ला प्रहरी कार्यालय धनुषाका प्रहरी प्रवक्ता एवम् डिएसपी जीतेन्द्र कुमार बस्नेतले जिल्ला प्रहरीको भ्यानमा टिकटक भिडियो बनाएको बारे अनभिज्ञता प्रकट गरे ।

न्यूज ब्यूरोसँगको संक्षिप्त कुराकानीमा डिएसपी बस्नेतले जिल्ला प्रहरी कार्यालय धनुषाको भ्यानमा टिकटक भिडियो बनाएको बारे आफूलाई थाहा नभएको बताए ।

टिकटकमा बुधबार नै अपलोड गरिएको त्यो भिडियो हेन्सी सुशिल नामक युवकले अपलोड गरेका छन् । सुरक्षा निकायकै भ्यानमा यसरी टिकटक भिडियो बनाउँदा संवेदनशिलता उपर पनि प्रश्न उठेको छ ।

यता, विहानैदेखि समाजिक सँजालमा एक युवकले प्रहरीको हतियार लिएर फोटो अपलोड गरेको तस्विर भाईरल बनेको छ । त्यो प्रहरी र युवक कहाँका हुन भने अझै खुलेको छैनन् ।