कोशी पुल नजिकै ठुलो दुर्घटना, ३ जनाको अवस्था गम्भिर, कैयौँ घाईते

न्यूज ब्यूरो, सुनसरी । प्रदेश नम्बर २ र प्रदेश नम्बर १ को बीचमा रहेको कोशी पुल नजिकै बस दुर्घटना हुँदा कैयौँ जना घाईते भएका छन् ।

शनिबार दिउँसो करिब २ः०० बजेको समयमा सिरहाको माडरबाट विराटनगरको लागि जाँदै गरेको यात्रुबाहक बस दुर्घटना हुँदा कैैँयो जना घाईते भएका छन् ।

को १ प ४९८८ नम्बरको यात्रुबाहक बस सिरहाको माडरबाट यात्रु बोकेर विराटनगरको लागि जाँदै गर्दा कोशी पुल नजिकै दुर्घटना भएको जिल्ला प्रहरी कार्यालय सुनसरीले जनाएको छ ।

तीव्र गतिमा विराटनगर तर्फ गईरहेको सो बस विपरित दिशाबाट आएको एक ट्रकलाई जोगाउने क्रममा पल्टिएर दुर्घटना भएका जिल्ला प्रहरी कार्यालय सुनसरीले जनाएको छ ।

विपरित दिशाबाट आईरहेको ट्रकले बसमा छोएपछि बस चालकले बसलाई जोगाउन खोज्दा सडकभन्दा तल पल्टेको जानकारी प्रहरीले दिएको छ । सो दुर्घटनामा परी ३ जनाको अवस्था गम्भिर भएको छ ।

गम्भिर घाईते भएकाहरुलाई उपचारको लागि एम्बुलेन्स मार्फत अस्पताल पुरयाइएको तथा अन्य समान्य घाईतेहरुको उपचार नजिकको स्वाथ्य क्लीनिकहरुमा भईरहेको जनार्ईको छ ।

घाईतेहरुको उद्धार कार्य समेत जारी रहेको तथा उनीहरुको नाम भने अहिले नखुलेको जिल्ला प्रहरी कार्यालय सुनसरीले जनाएको छ ।