जनकपुरमा विवाहपँचमी सुरु, आज रामसीतालाई नगर दर्शन गराइयो

न्यूज ब्यूरो, जनकपुरधाम । जनकपुरधाममा अहिले रामजानकी विवाह महोत्सवको धुमधाम भएको छ । एक सातासम्म मनाइने विवाहपँचमी महोत्सव आजदेखि विधिवत रुपमा सुरु भएको छ ।

सप्ताहव्यापी रुपमा मनाइने विश्व प्रसिद्ध रामजानकी विवाहपञ्चमी महोत्सव आज भगवान राम सीतालाई नगर दर्शन गराउँदै सुरु भएको हो ।

त्रेता युगमा भगवान र सीताको विवाह अघि भगवान राम जनकपुर आएको क्षणलाई नाटकीय प्रदर्शन गरी नगर परिक्रमा गराउँदै नगर दर्शन गराउने परम्परा छ ।

भगवान राम र सीताको विवाह जनकपुरधाममा भएको सम्झनास्वरुप प्रत्येक वर्ष धुमधामसँग विवाहपञ्चमी महोत्वस मनाईन्छ ।

सप्ताहव्यापी रुपमा मनाईने कार्यक्रमहरु अन्तर्गत आज जनकपुरधाम नगर दर्शन गरिएको छ भने १८ गते फूलबारी लीला, १९ गते धनुष यज्ञ, २० गते तिलकोत्सव, २१ गते मटकोर, २२ गते स्वयंवर तथा विवाह र २३ गते रामकलेवा हुनेछ ।

विवाहपञ्चमी महोत्सव हेर्न भारत लगायत देश विदेशबाट श्रद्धालु एवमं पर्यटकहरुको घुँईचो लाग्ने गर्दछ ।