जसपा प्रदेश २ को अध्यक्षमा मन्त्री यादवको ठाउँमा यादव

न्यूज ब्यूरो, जनकपुरधाम । जनता समाजवादी पार्टी (जसपा) नेपालले प्रदेश २ अध्यक्षमा रामबाबु कुमार यादवलाई चयन गरेको छ ।

बुधवार पार्टी कार्यलय जनकपुरमा बसेको बैठकबाट प्रदेश परिषद्ले यादवलाई प्रदेश अध्यक्षको जिम्मेवारी दिएका हो ।

जसपाको प्रदेश परिषद्ले यादवको नेतृत्वमा ११ सदस्य प्रदेश कमिटि चयन गरेको पाटीैले जारी गरेको प्रेस विज्ञप्तीमा उल्लेख छ । विज्ञप्ती अनुसार समितिमा पाँच जना उपाध्यक्ष, एक जना मुख्य सचिव, तीन जना सचिव र एक जनालाई कोषाध्यक्षको जिम्मेवारी दिइएको छ ।

उपाध्यक्षमा रामपृत पासवान, शम्झु झा, शेषनरायण यादव, बृजमोहन तिवारी र राम सेवक यादवलाई चयन गरिएको हो । त्यस्तै मुख्य सचिवमा दिनेश कुमार यादव, सचिवमा इशुफ अलि, मिरा साह, शैलेश कुमार साह र कोषाध्यक्षमा रेणु कुमारी यादवलाई छनोट गरेको हो ।

यस अघि प्रदेश अध्यक्षको जिम्मेवारी प्रदेश दुईका भुमि व्यवस्था कृषि तथा सहकारी मन्त्री विजय यादवले सम्हाल्दै आएका थिएँ ।