जनकपुरः गुडिरहेको गाडीबाट खसेर एक युवतिको मृत्यू

न्यूज ब्यूरो, जनकपुरधाम । प्रदेश नम्बर २ को अस्थायी राजधानी जनकपुरधामदेखि केही दुरीमा रहेको धनुषाको धारापानीस्थित एक युवतिको गाडीबाट खसेर मृत्यू भएको छ ।

बुधबार बिहानै गुडिरहेको विँगरबाट धनुषाधाम नगरपालिका वडा नम्बर ९ धारापानीस्थित खसेर मृत्यू भएको जिल्ला प्रहरी कार्यालय धनुषाले जनाएको छ ।

धारापानीबाट ढल्केवरतर्फ जाँदै गरेको एक सार्वजनिक विँगरबाट झरेर धनुषाधाम नगरपालिका वडा नम्बर ७ भगवानपुर टोल बस्ने सोहन साहकी अन्दाजी बर्ष १८ की पूजा कुमारी साहको घटनास्थलमै मृत्यू भएको प्रहरीले जनाएको छ ।

बिहानै करिब ७ बजेको समयमा ना १ ज ७०९४ नम्बरको विँगरमा चढेकी पूजा धारापानी स्थित सिटबाटै तल झरेको ईलाका प्रहरी कार्यालय ढल्केवरका प्रहरी नीरिक्षक (ईन्सपेक्टर) प्रदीप सुवेदीले जानकारी दिए ।

सुवेदीका अनुसार, धनुषाधाम नगरपालिका वडा नम्बर ९ स्थित रहेको यज्ञभूमि बहुमुखि क्याम्पसमा बि.बि.एस. प्रथम वर्षमा पढदै आएकी पूजा कलेजबाट बँक हानेर (कलेज नगएर अकै ठाउँमा जानु) ढल्केवर तर्फ जाँदै थिईन् ।

घरबाट कलेज जाँदैछु भनेर निस्केकी पूजा कलेज बँक हानेर ढल्केवर तर्फ जाँदै गर्दा उनको धारापानी स्थित बिँगर गाडीबाट खसेर तत्कालै मृत्यू भएको जनाइएको छ । भित्र सिटमै बसेकी पूजा कसरी झरयो भनेर अझै खुलेको छैनन् ।

स्थानीयहरुका अनुसार, युवति गाडीबाटै हामफालेकी थिईन् । उनी कलेज बँक कलेज नगएर अर्कैै ठाउँमा गईरहेको अवस्थामा गुडिरहकै गाडीबाट हाम फाल्दा तत्कालै मृत्यू भएको हो । हतार हतारमा उनी गाडीबाट हाम फालेको बताइएको छ ।

पूजाले पढने कलेज र घटनास्थलबीचको दुरी करिब ४ किलोमिटरको दुरीमा रहेको छ । धारापानीदेखि पूर्व उनको क्याम्पस रहेको छ । बुधबार उनी कलेज नगएर सार्वजनिक गाडी चढी ढल्केवरतर्फ जाँदै थिइन् ।

ईलाका प्रहरी कार्यालय ढल्केवरले मृतक पूजाकी लासलाई पोष्टमार्टमको लागि प्रादेशिक अस्पताल जनकपुर पठाएको छ भने विँगर प्रहरीको नियन्त्रणमा राखेर अनुसन्धान अगाडी बढाएको हो ।