औरही गाउँपालिकामा प्रथम मेयर गोल्डकपमा गोलबजारको कब्जा

न्यूज ब्यूरो, सिरहा । सिरहाको औरही गाउँपालिकाको प्रथम मेयर गोल्डकप फुटबल प्रतियोगिता सम्पन्न भएको छ ।

औरही गाउँपालिका वडा नम्बर ५ को सुजमावि औरहीको खेल मैदान औरहिमा संचालन भएको आज भएको फाइनल खेलमा गोलबजारले जीत हात पारेको छ ।

वडा नम्बर ५ वडाध्यक्ष अध्यक्ष वार्ड न ५ का वार्ड अध्यक्ष दिलिप यादवको अध्यक्षता तथा गाउँपालिका अध्यक्ष सिद्धार्थ यादवको प्रमुख आतिथ्यमा सम्पन्न गोल्डकपमा गोलबजार टिम २ गोलले विजयी भएको हो ।

समापन खेलमा गाउँपालिका अध्यक्ष यादवसहित विभिन्न राजनीतिक दलका प्रतिनीधि, समाजसेवी, युवा, महिला, विद्यार्थीहरुको सहभागीता रहेको थियो ।

खेल सिरहाको धरमपुर र गोलबजारबीच भएकोमा गोलबजारले २ गोल तथा धरमपुरले गोल गर्न नसकेपछि गोलबजार २ गोलले विजयी हात पारेको हो ।

खेलपछि प्रथम पुरस्कार स्वरुप गोलबजार टिमलाई ३० हजार १ सय ५१ रुपैयाँ नगद र ट्राफी तथा मेडल प्रदान गरिएको छ भने दोस्रो पुरस्कार २० हजार १ सय ५१ नगद र ट्राफी तथा मेडल प्रदान गरेको हो ।