सुमोले मोसालाई ठक्कर दिँदा युवकको घटनास्थलमै मृत्यू

न्यूज ब्यूरो, बर्दिवास । प्रदेश नम्बर २ को महोत्तरी बर्दिवासस्थित सुमो गाडीले मोटरसाईकल (मोसा) लाई ठक्कर दिँदा एक युवकको घटनास्थलमै मृत्यू भएको छ ।

बर्दिवास–सिन्धुली बिपी राजमार्ग अन्तर्गत महोत्तरीको बर्दिबास नगरपालिका वडा नम्बर ३ स्थित गङ्गटे पुल नजिक विहिबार टाटा सुमोले ठक्कर दिँदा मोटरसाइकल चालकको मृत्यु भएको हो ।

मृत्यु हुनेमा उदयपुरको त्रियुगा नगरपालिका वडा नम्बर ५ का ३३ वर्षीय सुन्धिर मिश्र रहेको प्रहरी नायब उपरीक्षक प्रकाश विष्टले जानकारी दिए ।

सिन्धुलीबाट स१०प ३९९३ नम्बरको मोटरसाइकलमा बर्दिबासतर्फ आउँदै गरेका मिश्रलाई बर्दिबासबाट सिन्धुलीतर्फ जाँदै गरेको ना१ज ५७४७ नम्बरको टाटासुमोले ठक्कर दिएको हो ।

गम्भीर घाइते मिश्रको उपचारका क्रममा प्रादेशिक अस्पताल जनकपुरमा मृत्यु भएको प्रहरीले जनाएको छ ।

ठक्कर दिने टाटा सुमोका चालकलाई इलाका प्रहरी कार्यालय बर्दिबासमा अनुसन्धानका लागि राखिएको छ ।