न्यूज ब्यूरो, सिरहा । प्रदेश नम्बर २ को सिरहा जिल्लास्थित माटोको ढिस्को (धसना) मा परी एक बालिकाको मृत्यू भएको छ भने अन्य पाँच जना घाईते भएकी छिन् ।
दिपावलीमा घर लिपपोत गर्न आमासँग माटो लिन गएका धनगढीमाई नगरपालिका वडा नम्बर ५ जयपुरका प्रकाश कामतकी ११ वर्षिया छोरी करिश्मा कुमारीको ढिस्कोले पुरिएर मृत्यु भएको हो ।
दिपावली पर्व नजिकिंदै गर्दा घर लिपापोती गर्न गाउँ देखि २ सय मिटर परको मैट खुन्मा (माटो लिने ठाउँ) ढिस्को खसेर पुरिएका उनको स्थानीयले निकाल्ने प्रयास गरेपनि उनलाई जिवितै उद्धार गर्न भने सकिएनन् । करिश्माको घटनास्थलमै मृत्यू भएको जनाइएको छ ।
माटो खन्दै गर्दा माथिबाट खसेको माटोको ठुलो डल्लोले चोटलागेर करिश्माकी आमा ममता देवी कामैत समेत घाईते भएकी हुन । उनको स्थानीय पोलीक्लिनिकमा उपचार भईरहेको जनाईएको छ ।
त्यसैगरी, ढिस्कोमा परी स्थानिय महिन्द्र महतोकी ७ वर्षीय छोरी सरिता महतो, राजकुमार यादबकी ७ वर्षीया छोरी सविता यादब, २६ वर्षिय सीता देवी कामैत र इन्द्रदेव कामैतकी १० वर्षिय छोरी रुवि कामत घाइते भएको जिल्ला प्रहरी कार्यालय सिरहाका प्रहरी प्रवक्ता डिएसपी सुभाष बुढाथोकीले जानकारी दिए ।
घाइतेहरुमध्ये राजकुमार यादवकी १० वर्षिय छोरी सविताको स्थानीय स्तरमा उपचार सम्भव नभएपछि थप उपचारको लागि विराटनगर लगिएको छ ।
यस घटनाबारे अनुसन्धान थालिएको र मृतकलाई पोष्टमार्टमको लागि अस्पताल पठाउने तयारी गरिएको बताईएको छ ।
धनुषाको नगराईन नगरपालिकामा भोली सार्वजनिक विदा
- २०७८ कार्तिक १० बुधबार
न्यूज ब्यूरो, जनकपुरधाम । दक्षिणी धनुषाको नगराईन नगरपालिकामा भोली सार्वजनिक विदा दिएको छ । नगराईन नगरपालिकाका नगर प्रमुख विनय कुमार यादवले एक सूचना जारी गर्दै भोली सोमबार माघ ८ गते एक
पूरा पढ्नुहोस्