जनकपुरः ६ बर्षिय बालिकालाई बलात्कार प्रयास गर्ने एक प्रोफेसर पक्राउ

न्यूज ब्यूरो, जनकपुरधाम । ६ वर्षीया बालिकालाई यौन दुव्र्यवहार आरोपमा जनकपुरधामका एक प्राध्यापकलाई प्रहरीले पक्राउ गरेको छ ।

जनकपुरधाम उपमहागनरपालिका वडा नम्बर ८ बस्ने ४५ वर्षीय प्रोफेसरलाई शुक्रबार विहान पक्राउ गरिएको हो । बालिकालाई बलात्कार प्रयास गरेको आरोपमा उनलाई पक्राउ गरिएको बालिकाको परिवारले बताएको छ ।

बालिकालाई बलात्कार प्रयास गर्ने आरोपित प्रोफसरलाई जनकपुरधाम वडा नम्बर ८ का प्रहरी चौकी बलवाले शुक्रबार बिहान गिरफतार गरेको छ ।

आरोपित प्रोफेसर जनकपुरधाम–८ स्थित श्री हजारी जनक विद्यालयका प्राध्यापक हुन् । आरोपितकै घरमै डेरा गरि बस्दै आएकी बालिकालाई बलात्कार प्रयास गरि रहेको अवस्थामा आमाले हेरेपछि घटना बाहिरिएको हो ।

पीडित बालिकाले आफुलाई धाक, धम्की दिएर आमा, वुवा कसैलाई नभन्न दवाव दिदै आएको पिडित बालिकाको वुवाले बताए ।

प्रहरीचौकी बलवाले आरोपितलाई गिरफतार गरि आवश्यक कारवाहीका लागि जिल्ला प्रहरी कार्यालय धनुषा पठाएको वलवा प्रहरीचौकीका असई राजकुमार साहले बताए ।

बालिकालाई स्वास्थ्य परिक्षणका प्रादेशिक अस्पताल जनकपुरमा गरिएको छ ।