फेरी भाँसियो 'कमला पूल'

न्यूज ब्यूरो, जनकपुरधाम । बहुप्रतिक्षित भनिएको धनुषा र सिरहा जिल्ला जोडने कमला पूलको अर्को स्पान र पिलर पनि भासिएको छ ।

बुधबार अविरल वर्षाका कारण आएको बाढिले पूलको अर्को पिलर पनि भासिएको हो । कमला नदिमा आएको पानीको बहावले पिलर भासिएको हो ।

बुधबार करिब १० वजेको समयमा पुर्व(पश्चिम् हुलाकी राजमार्ग अन्तर्गतको कमला पूलको अर्को स्पान भासिएको हो । पूलको पश्चिम् तर्फबाट अर्को ३ नम्बरको स्पान भासिएको हो । सो स्पानमा ठेकेदारले कामदारहरुको लागि टहरा समेत बनाएको धनुषाका प्रमुख जिल्ला अधिकारी बन्धु प्रसाद वास्तोलाले जनाए ।

आज भाँसिएको पश्चिमबाट तेस्रो स्पान

गत असारमा आएको बाढिले सिरहा तर्फबाट २ नम्बरको स्पान र पिलर भासिएको थियो । त्यो बेला पानीको अधिक बहाबको कारण पूलको स्पान भासिएको थियो । पूललाई जोखिमपूर्ण घोषणा गरिसकेको छ ।

पूलको पहिलो स्पान भासिएसङ्गै सिरहाका प्रमुख जिल्ला अधिकारी प्रदिपराज कणेलले संघीय मन्त्रालयसग गुनासो गरि ठेकेदारलाई कारवाहिको सिफारिस गरेका थिए । यधपी अझै कार्वाही नहुदै अर्को स्पान भासिएपछि अब पूल नयाँ नै बनाउनुपर्ने अनुमान गरिएको छ ।

यसअघि यो पुलको एउटा स्पाम १७ असारमा भासिएको थियो । सिरहाको बसपिट्टा भन्ने स्थानमा यसअघि पुलको स्पान भासिएको थियो ।

हुलाकी सडक अन्तर्गत सिरहा र धनुषालाई जोड्ने कमला पुलको झण्डै ९९ प्रतिशत काम सम्पन्न भइसकेको थियो। पुलको फिनिसिंग गर्न मात्रै बाँकी रहेको ठेकेदार कम्पनीले जनाएको थियो।

यो पुल निर्माणको ठेक्का २०६८ मै पप्पु–लुम्बिनी जेभीले पौने २५ करोडमा लिएको थियो । तर, पछि पप्पुले काम छाडेपछि लुम्बिनी बिल्डर्सले बाँकी काम सम्पन्‍न गरेको थियो ।