कोशीमा बज्यो खतराको साईरन, ४२ वटा ढोका खोलियो

न्यूज ब्यूरो, जनकपुरधाम । प्रदेश नम्बर २ र प्रदेश नम्बर १ को सीमाको रुपमा रहेको सप्तकोशी (कोशी) नदीमा पानीको बहाब उच्च भएको छ ।

कोशी ब्यारेज कन्ट्रोल शाखाका अनुसार, बिहान ९ बजेसम्म कोशीमा पानीको बहाब २ लाख ६६ हजार ६०० क्यूसेक रहेको छ । यो पानीको बहाब खतराको स्तह मानिएको हो ।

४ दिनदेखि परेको अबिरल बर्षाका कारण कोशी नदीमा पानीको बहाब बुधबार बिहान उच्च भएको हो । सोही क्रममा कोशी ब्यारेजको ५६ ढोका (फाटक) मध्ये बुधबार बिहान ४२ वटा ढोका खोलिएको कोशी ब्यारेज कन्ट्रोल सेन्टरले जनाएको छ ।

कोशीमा पानीको बहाब बढेसँगै आसपासको क्षेत्रमा सुरक्षा अलर्ट समेत जारी गरिएको बताइएको छ । अबिरल बर्षाका कारण अन्य विभिन्न नदीहरुमा बाढी आएको बताइएको छ । किसानहरुलाई यस बर्षाले अधिक पीडा भएको छ ।