मुख्यमन्त्री राउतले सँसदमा बहुमतले पाए विश्वासको मत

न्यूज ब्यूरो, जनकपुरधाम । प्रदेश नम्बर २ का मुख्यमन्त्री मो. लालबाबु राउत गद्दीले सँसदमा आज विश्वासको मत लिएका छन् ।

बुधबार प्रदेश नम्बर २ को सँसदमा लिइएको विश्वासको मतको क्रममा बहुमतले विश्वासको मत पाएका छन् । सँसदमा उपस्थित १०० जना सँसदमध्ये ७७ जनाले विश्वासको मत दिएका छन् ।

विश्वासको मतको क्रममा मुख्यमन्त्री राउतले ७७ वटा साँसदको विश्वासको मत पाएका छन् । सो अनुसार, उपस्थित साँसदहरुमध्ये बहुमतले विश्वासको मत पारित भएको छ ।

राउतको विपक्षमा अर्थात विश्वासको मतको क्रममा विश्वास छैन भनेर २३ जना साँसदले मत दिएका छन् । १०० मध्ये २३ जनाले मुख्यमन्त्री राउतको सरकारमाथि विश्वास नरहेको भनेर अविश्वासको मत दिएका छन् ।

आज बसेको प्रदेश २ को सँसदको सातौ अधिवेशनको बैठककै क्रममा मुख्यमन्त्री राउतले विश्वासको मत लिएका थिए । प्रदेश २ मा जसपाको सरकार रहेको छ । साँसदहरु पनि जसको अधिक रहेको कारण पनि उनले विश्वासको मत पाएका हुन् ।

उनको पक्षमा नेपाली काँग्रेस र माओवादी पनि रहेको छ । प्रदेश २ मा रहेको सँयुक्त सरकारले मुख्यमन्त्री राउतले काँग्रेस र माओवादीका साँसदले समेत विश्वासको मत दिएका छन् भने विपक्षमा एमाले र लोकतान्त्रिक समाजवादी पार्टी रहेको छ ।