शहिदनगरमा आधुनिक शैक्षिक भवन (तालिम केन्द्र) निर्माण

न्यूज ब्यूरो, जनकपुरधाम । धनुषाको शहिदनगर नगरपालिकास्थित आधुनिक शैक्षिक भवन (तालिम केन्द्र) निर्माण गरिएको छ ।

सोमबार शहिदनगर नगरपालिका वडा नं. ३ का वडाध्यक्ष नागेन्द्र प्रसाद मण्डलको अध्यक्षता तथा नगर प्रमुख उदय कुमार बरबरियाको प्रमुख आतिथ्यमा उदघाटन गरिएको छ ।

सो अवसरमा बोल्दै मेयर बरबरियाले शैक्षिक भवनले सिकाइको वातावरण सिर्जना गर्ने भएकोले सबै बिधालयहरुमा क्रमशः यस्ता भवन बनाउदै जाने शिक्षामा सुधार गर्न सबैपक्षको आवश्कयता रहेको बताए ।

सबै मिली शैक्षिक अवस्था सुधार गर्दै जानुको साथै जहिले पनि सकारात्मक सोचका साथ अगाडि बढ्न अनुरोध समेत गरे । विद्यालयमा शैक्षिक भवन स्थापना गर्न प्रत्यक्ष र अप्रत्यक्ष रुपमा सहयोग गर्ने सम्पुर्णलाई भगवान बिष्णुको संज्ञा दिदै उनीहरुप्रति आभार समेत प्रकट गरे ।

उदघाटन कार्यक्रममा वडाध्यक्ष नागेन्द्र मण्डल सहितका अन्य वक्ताहरुले शिक्षाकर्मी, स्वास्थ्यकर्मी लगायतका व्यक्तिहरुलाई रमणीय तथा सौहार्दपूर्ण वातावरणमा तालिमले प्रभावकारी भूमिका खेल्ने धारणा राखेको थियो ।

शैक्षिक भवन निर्माणको लागि स्थानीय सुरेश साहले जग्गादान गरेका हुन् । शैक्षिक अवस्था सुधार सहित अन्य प्रयोजनको लागि निर्माण गरिएको सो भवन निर्माणको लागि साह परिवारले जग्गादान गरेको बताइएको छ ।

शहिदनगर नगरपालिका अन्तर्गत बिष्णु आधारभुत विधालय यदुकूहामा निर्माण गरिएको शैक्षिक भवन (तालिम केन्द्र) को उदघाटन कार्यक्रममा वडा नं. ९ का वडाध्यक्ष रामदेव मरिक यादव ,नगर शिक्षा शाखा प्रमुख धनेश्वर यादव , नगर शिक्षा सदस्यद्वय प्रदिप साह र राजकुमार क्रमाचार्य , एअनेशिसंका नगर अध्यक्ष श्रीकृष्ण भिनवार , जग्गा दाता परिवार सुरेश साह ,संस्थापक अध्यक्ष रामदयाल दास, विधालयका प्रधानाध्यापक धर्मनाथ सर,स्वास्थ्य संयोजक कपिलदेव अधिकारी ,सह संयोजक रामसिकिल यादव लगायत शहिदनगर नगरपालिकाका भद्र भलादमी तथा बुद्धिजिविहरुको उपस्थिति रहेको थियो ।