मोटरसाईकले ठक्कर दिँदा एक महिलाको मृत्यू

न्यूज ब्यूरो, जनकपुरधाम । धनुषामा मोटरसाइकलको ठक्करबाट एक महिलाको ज्यान गएको छ ।

जिल्लाको विदेह नगरपालिका–६ एकराहीमा बिहिबार राति करिव ११ः३० बजे पल्टु महराकी ४० वर्षीया पत्नी दलितिया देवी महराको मोटरसाइकलको ठक्करबाट ज्यान गएको हो ।

जिल्ल प्रहरी कार्यालय धनुषाले दिएको जानकारी अनुसार बिहिबार राति ज।७प। ९८१२ नम्बरको मोटरसाइकलले पैदल हिँडिरहेकी महरालाई ठक्कर दिँदा उनी गम्भीर घाइते भएकी थिइन् ।

गम्भीर घाइते भएकी उनको प्रादेशिक अस्पताल जनकपुरमा उपचारको क्रममा राति १ बजे ज्यान गएको जिल्ला प्रहरी कार्यालय धनुषाले जनाएको छ ।

ठक्कर दिने मोटरसाइकल र चालकलाई प्रहरीले नियन्त्रणमा लिएको जनाएको छ।