राउतका कार्यकर्तालाई यादवको कार्यकर्ताले दिए गोली मार्ने धाम्की (अडियो सहित)

न्यूज ब्यूरो, सिरहा । डा. सिके राउतका एक वडा अध्यक्षलाई उपेन्द्र यादवको एक कार्यकर्ताले गोली मार्ने धम्की दिएका छन् ।

प्रदेश २ को सिरहा जिल्लाको कल्याणपुर नगरपालिका वडा नम्बर ५ का जनमत पार्टीका वडा अध्यक्ष ज्ञान कुमार यादवलाई जनता समाजवादी पार्टीका कार्यकर्ता नागेन्द्र यादवले फोन मार्फत ज्यान मार्ने धम्की दिएका छन् ।

कल्याणपुर नगरपालिका वडा नम्बर ५ का वडाध्यक्ष दीपेन्द्र बरबरिया (यादव) को भतिजो समेत रहेका नागेन्द्रले जनमत पार्टीका वडा सभापति ज्ञान कुमार यादवलाई फोन गरी गोली हान्ने धम्की दिएका छन् ।

वडा नं. ५ मा जनता समाजवादी पार्टी (जसपा) का वडाध्यक्ष रहेका छन् । सो वडामा डा. सिके राउत नेतृत्वको जनमत पार्टीको सँगठन विस्तार गरिरहँदा वडाध्यक्ष बरबरियाका भतिजोले उनलाई ज्यान मार्ने धम्की दिएका छन् ।

न्यूज ब्यूरोसँग कुराकानी गर्दै ज्ञान कुमार यादवले सो वडाका युवा पुस्तादेखि वश्यकहरु समेत जनमत पार्टीमा आउन थालेपछि आक्रोसित जसपाका कार्यकर्ताहरुले गाली गलौज सहित ज्यान मार्ने धम्की दिएको बताए ।

यादवलाई ९८२९७४५०३६ नम्बरबाट फोन गरी धम्की दिएको अडियो रेकर्ड छ । ज्ञान कुमार यादवले उपलब्ध गराएको सो अडियो रेकर्डिङगमा आफ्नो काका नै वडाध्यक्ष रहेको भनेर धाक लगाएको सुन्न सकिन्छ । यादवका अनुसार, वडाध्यक्ष बरबरियाकै इसारामा उनको भतिजोले गोली मार्ने धम्की दिएको आरोप लगाए ।

तराई मधेशको विभिन्न जिल्लासहित प्रदेश नम्बर २ मा समेत डा. सिके राउतप्रतिको क्रेज बढदै गएको छ भने उनको पार्टीमा आन्तरिक र बाह्य रुपले समेत युवाहरु आवद्ध हुँदै गएका छन् ।

सुन्नुहोस अडियो