यादवले शहिदको खुन बेचेर सम्पति खडा गरे, ठाकुर र महतो घुसपैठियाः नेता गुप्ता

न्यूज ब्यूरो, जनकपुरधाम । जनता समाजवादी पार्टीका अध्यक्ष उपेन्द्र यादवले शहिदको खुन बेचेर अकुत सम्पति कमाएको आरोप लगाइएको छ ।

मधेश आन्दोलनका तत्कालिन संयोजक भाग्यनाथ गुप्ताले मधेशको नाममा नेताहरुले आन्दोलनलाई बेची अकुत सम्पती खडा गरेको आरोप लगाएका छ्न ।

मधेशी पत्रकार समाज र मधेश मिडिया हाउसद्वार संयुक्त रुपमा मंगलबार काठमाण्डौमा आयोजना गरेको एक कार्यक्रममा बोल्दै गुप्ताले सो आरोप लगाएका हुन ।

मधेशी जनअधिकार फोरम मधेशका अध्यक्ष समेत रहेका गुप्ताले समग्र मधेश एक प्रदेश, आत्मनिर्णयको अधिकार सहितको २२ जिल्लाको प्रदेश र जनसंख्याको आधारमा निर्वाचन क्षेत्रको घोषणा लगायतको मुल एजेण्डालाई बिर्सेर नेताहरुले पदिय लोभ र पैसाको लालचमा मुद्दा बेचेको आरोप समेत लगाएका हुन ।

जसपा अध्यक्ष उपेन्द्र यादवप्रती ईङ्गित गर्दै गुप्ताले आन्दोलनको उपलब्धी हाशिल हुनै लाग्दा २०६४ सालमा नेताहरुले ‘सुटकेश’ भरी पैसा लिएर २२ बुन्दे सम्झौता गरेको बताए। सोहि पैसाले उनिहरुले घरजग्गा खडा गरेको बताए ।

‘उपेन्द्र यादव बोर्डिङ्ग स्कुलको मास्टर हुंदा हर महिना पांच सय रुपया दिएर खर्ची चलाउंथे’, उनले भने ‘उनले मलाई त धोखा दिए - दिए, मधेशका शहिदको ‘खुन’ बेचेर समेत सुटकेश भरी माल कमाए ।’

‘मधेशी जनताको अधिकारका लागि आफुहरु २०४२ सालदेखी लागिपरेको तर मावोवादिका कार्यकर्ता उपेन्द्रले आफुहरुको आन्दोलन, त्याग र बलिदानलाई सत्तासंग बेचेको उनले आरोप लगाए ।

गुप्ताले महन्थ ठाकुर र राजेन्द्र महतोलाई समेत घुस्पैठियाको संग्या दिएका छ्न । ‘मधेश आन्दोलनको राप बलिरहंदा गिरिजाप्रसाद कोईरालाले महन्थ ठाकुरलाई घुसपैठ गराए’, गुप्ताले भने ‘राजेन्द्र महतो त मधेश आन्दोलनका बिरोधी थिए, उनी सात दलसंग मिलेर हामिमाथी गोलि बर्साउन लगाए ।’

उनले आफुहरु आफ्नो मुद्दामा अडिग रहेको र मधेशको हरेक जिल्लाहरुमा जनतामा जागरण गरिरहेको बताए । गुप्ताले एमसिसी राष्ट्रबिरोधी रहेकोले सो सम्झौता गर्न नहुने समेत बताए ।