सिरहाः झोलुँगे पुल निर्माण नहुँदा स्थानीयहरु जोखिम मोल लिएर खोल तर्न बाध्य

न्यूज ब्यूरो, सिरहा । सिरहाको सुखीपुर गागैन खोलामा झोलुंगे पुल समयमा निर्माण नहुदा आमजनतालाई पानीमा डुबेर खोला तर्नुपर्ने बाध्यता रहेको छ ।

सिरहाको सुखीपुर नगरपालिका वडा नम्बर ८ स्थित शनि मन्दिर रहेको गागैन खोलामा ६४ मिटर लम्बाईको झोलुङ्गे पुल सुखीपुरका पहिलो पटक उपमेयर रेणुदेवी साह द्वारा शिलान्यास भए तापनि अहिलेसम्म काम पुरा भएको छैन ।

हाम्रा स्थानीय तहले जनप्रतिनिधि पाएको चारवर्षे भन्दा बढी बितिसक्दा जनप्रतिनिधि तथा पालिकामा काम गर्ने कर्मचारी इन्जिनियर अधिकृत मौजमा व्यस्त भएका छन् ।

सुखीपुर नगरपालिका ८ का वडा अध्यक्ष हरिबंश महतोले पुल निर्माणमा बजेट आएको निकासा भएपनि पुल अधुरो कामगरि छाडेका छन् ।

उनले पुल निर्माण नहुदा आमजनतालाई आवतजावतमा समस्या भएको बताउदै पानीमा डुबेर खोला तर्नुपर्ने बाध्यता रहेको जानकारी दिए ।

सुखीपुर नगरपालिका सम्पुर्ण वडाहरु जोडने सहज यातायातको लागी गागैन खोलामा झोलुङ्गे पुल निर्माण गर्न अती आवश्यक रहेको छ।