प्रदेश २ को लोकसेवाद्धारा विभिन्न पदमा भारी सँख्यामा कर्मचारी माग

न्यूज ब्यूरो, जनकपुरधाम । प्रदेश नम्बर २ को सरकार अन्तर्गत रहेको प्रदेश २ लोकसेवा आयोगले विहिबार विज्ञापन गरी भारी सँख्यामा कर्मचारी माग गरेको छ ।
प्रदेश २ को लोकसेवा आयोगले विहिबार प्रकाशित गरेको विज्ञापनमा प्राविधिक र अप्राविधिक तर्फ सय बढीको सँख्यामा कर्मचारी माग गरेको हो । पाँचौ र चौथो तहको कर्मचारीको लागि प्रदेश लोकसेवा आयोगले विज्ञापन निकालेको हो ।

प्रदेश लोक सेवा आयोगले प्रदेश निजामती सेवाका सहायक पाँचौ र चौथौ तह (अप्राविधिक÷प्राविधिक) पदको खुल्ला, समावेशी र अन्तरसेवा प्रतियोगितात्मक लिखित परीक्षाको लागि विज्ञापन गरेको हो । ३÷०७८÷०७९ नम्बरको सूचना विज्ञापन विहिबार साउन २८ गते प्रकाशित गरिएको हो ।

जस अनुसार, अप्राविधिकतर्फ सहायक पाँचौ तहको लागि प्रशासन, समान्य प्रशासन तर्फ खुल्लामा १४ जना, प्रशासन , लेखा तर्फ ६ जना र प्रशासन, राजस्व तर्फ २ जना गरी कुल २२ जना कर्मचारी माग गरिएको हो ।

यस्तै, मधेशी महिलाको कोटा आरक्षण तर्फ प्रशासन, समान्य प्रशासनमा ४ जना, प्रशासन लेखातर्फ २ जना र प्रशासन राजस्व तर्फ १ गरी कुल ७ जना कर्मचारी माग गरिएको छ भने मधेशी कोटा तर्फ प्रशासन समान्य प्रशासन र प्रशासन राजस्वको लागि कुल ४ जना माग गरिएको हो ।

दलित महिलातर्फ दुई जना, दलितमा १ जना, मुस्लिम महिलातर्फ १ जना, मुस्लिम १ जना, आदिवासी जनजाती महिला १ जना, थारु महिला १ जना गरी कर्मचारी माग गरिएको छ भने अन्तरसेवा तर्फको लागि कुल ८ जना कर्मचारी प्रशासन, समान्य प्रशासन, प्रशासन लेखा, प्रशासन राजस्वको लागि माग गरिएको हो ।

प्रदेश २ को लोकसेवा आयोगले निकालेको विज्ञापनमा प्राविधिकतर्फ सहायक पाँचौ तहको (स्वास्थ्य सेवा बाहेकका सेवा तर्फ) को लागि पनि अधिक सँख्यामा कर्मचारी भर्ना गरिने भएको छ । जसको लागि खुल्ला सहित विभिन्न आरक्षण समेत छुटयाइएको हो ।

विज्ञापन अनुसार, सव–ईन्जिनियर, ईन्जिनियरिँग, सिभिल, जनरलतर्फ खुल्लामा १ जना, सव–ईन्जिनियर, ईन्जिनियरिँग, सिभिल, जनरलको लागि मधेशी कोटामा १ जना, सव–ईन्जिनियर, ईन्जिनियरिँग, सिभिल, हाईवेमा खुल्ला तर्फ १ जना, मधेशी महिलातर्फ १ जना कर्मचारी माग गरिएको हो

यस्तै, सव–ईन्जिनियर, ईन्जिनियरिँग, सिभिल, वि.एण्ड.आरको खुल्ला तर्फ दुई जना, मधेशी महिलातर्फ एक जना, अन्तरसेवाको लागि एक जना कर्मचारी माग गरिएको हो । यसका साथै, सव–ईन्जिनियर, ईन्जिनियरिँग, सिभिल, इरिगेशनको खुल्लामा एक जना, मधेशी महिलाको लागि एक जना कर्मचारी माग गरिएको हो ।

यस्तै, अ.ग.हा.जी.ईन्जियरिँग, जियोलोजी, हाईड्रोजियोलोजीको खुल्लामा एक जना, रेफ्रिजरेटर टेक्निसियन,ईन्जि., ईलेक्ट्रीकलको खुल्लामा एक जना, ल्याब टेक्नीसियन, ईन्जियरिँग, सिभिल, जनरलको खुल्लामा एक जना, मधेशी महिलामा एक जना कर्मचारी माग गरिएको हो ।

यसका साथै, प्राविधिक सहायक, कृषि, कृषि प्रसारको खुल्लामा एक जना, प्राविधिक सहायक, कृषि, वागवानीको खुल्लामा एक जना, मधेशी महिला एक जना, प्राविधिक सहायक, कृषि, बाली विकासतर्फ खुल्लामा एक जना, प्राविधिक सहायक, कृषि, माटो विज्ञानको खुल्लामा एक जना कर्मचारी माग गरिएको छ ।

विज्ञापन अनुसार, प्राविधिक सहायक, कृषि, कृषि मत्स्यतर्फ खुल्लामा एक जना, मधेशी महिलामा एक जना, प्राविधिक सहायक, कृषि, एगृ.ईको. एण्ड मार्केटिँगको खुल्लामा एक जना, मधेशी महिलामा एक जना गरी दुई कर्मचारी माग गरिएको छ ।

पशु स्वास्थ्य प्राविधिक, कृषि, भेटरिनरीको खुल्लामा एक जना, प्राविधिक सहायक कृषि, खा.पो.गु.नी. तर्फ खुल्लामा एक जना, प्राविधिक सहायक कृषि, कृषि ईन्जिनीयर खुल्लामा एक जना, रेन्जर, वन, जनरल फरेष्ट्रीको खुल्लामा ९ (नौ) जना, रेन्जर, वन, जनरल फरेष्ट्री मधेशी महिलामा तीन जना, मधेशीमा २ जना, दलित महिलाको लागि १ जना, मुस्लिम महिलाको लागि १ जना, आदिवासी जनजातीको लागि १ जना र थारु महिलाको लागि पनि १ जना कर्मचारी माग गरिएको हो । सोही पदको लागि अन्तरसेवा तर्फ समेत ३ जना कर्मचारी माग गरिएको हो ।

यस्तै, भु संरक्षण सहायक, वन, स्वायल एण्ड वाटर कन्जर्भेसनको खुल्लामा १ जना, मधेशी महिलातर्फ पनि १ जना कर्मचारी माग गरिएको हो । प्रा.स. शिक्षा प्रशासन, निरीक्षणको खुल्लामा २ जना, मधेशी महिलाको १ जना र अन्तरसेवा तर्फ १ जना कर्मचारी माग गरिएको हो ।

प्राविधिक तर्फ सहायक पाँचौ तहको लागि स्वासथ्य सेवा तर्फ हेल्थ अस्टिेन्ट (एच.ए), स्वास्थ्य, हे.ई.को खुल्लामा २ जना, मधेशी महिला १ जना माग गरिएको छ । यस्तै, फार्मेसी सुपरभाईजर, स्वास्थ्य फार्मेसीको लागि खुल्लामा एक जना, मधेशी महिला एक जना कर्मचारी माग गरिएको हो ।

स्टाफ नर्स, स्वास्थ्य, जनरल नर्सिँगको खुल्लामा ५ जना, मधेशी महिला १ जना, मधेशी १ जना, दलित महिला १ जना, मुस्लिम महिला १ जना, अन्तरसेवाको लागि १ जना कर्मचारी माग गरिएको विज्ञापनमा उल्लेख गरिएको छ ।

यस्तै, प.हे.न., स्वास्थ्य,क.न. तर्फ खुल्लामा १ जना, मे.रे.सु., स्वास्थ्य मेडिकल रेकर्डर खुल्लामा १ जना, ल्याब टेक्नीसियन, स्वास्थ्य, मे.ल्या. टे., ज.मे.ल्या.टे. को खुल्लामा १ जना र कोल्डचेन सुपरभाइजर, स्वास्थ्य हे.ई. तर्फ खुल्लामै १ जना कर्मचारी माग गरिएको हो ।

सहायक चौथौ तह (अप्राविधिक÷प्राविधिक) तर्फ प्रशासन, समान्य प्रशासन, प्रशासन लेखा तर्फ खुल्लामा ८ जना, मधेशी महिलामा २ जना, मधेशीकोटामा २ जना, दलित महिलाको लागि १ जना, मुस्लिम महिलाको लागि १ जना, आदिवासी जनजातीको लागि १ जना कर्मचारी माग गरिएको हो ।

जसमा ना.प्रा.सं, कृषि, बाली सँरक्षणको लागि खुल्लातर्फ १ जना, मत्स्यतर्फ खुल्लामै ३ जना, मधेशी महिलामा १ जना, दलित महिलामा १ जना कर्मचारी माग गरिएको हो । नायव पशु स्वास्थ्य प्राविधिक, कृषि, भेटेरिनरी तर्फ खुल्लामा दुई जना, मधेशी महिला एक जना, दलित महिला एक जना गरी कर्माचरी माग गरिएको हो ।

सोही क्षेत्रको ला.पो.डे.डे.को खुल्लामा २ जना, मधेशी महिलामा १ जना, दलित महिलामा १ जना गरी कुल ४ जना कर्मचारी माग गरिएको हो ।

प्राविधिक तर्फ सहायक चौथौ तह (स्वास्थ्य सेवा तर्फ) अ.न.मी., स्वास्थ्य, क.न. खुल्ला ८ जना, मधेशी महिलामा दुई जना, मधेशीमा दुई जना, दलित महिलामा १ जना, मुस्लिम महिलामा १ जना, आदिवासी जनजातीतर्फ १ जना कर्मचारी माग गरिएको हो ।

यस्तै, वायोमेडिकल टेक्नीसियन, स्वास्थ्य, विविध तर्फ खुल्लामा एक जना, मधेशी महिलामा एक जना र दलित महिलामा एक जना कर्मचारी माग गरिएको हो ।

दरखास्त (फाराम) भर्नको लागि अन्तिम मिति भदौ १६ गतेसम्म रहने तथा दोब्बर दस्तुर तिरेर भदौ २३ गतेसम्म तोकिएको हो । उम्मेदवारको हदमा भदौ १६ गतेसम्म १८ वर्ष पुरा भै ३५ वर्ष ननाघेको र महिला उम्मेदवारको हकमा ४० वर्ष ननाघेको हुनुपर्नेछ ।

ईन्जिनियरिँग सेवा, कृषि सेवा, वन सेवा र स्वास्थ्य सेवाको हकमा ४० वर्ष ननाघेको, बहालबाला निजामति कर्मचारीलाई उमेर हद लाग्ने छैन् ।