जनकपुरमा १९ गतेसम्म ३/३ घण्टा विद्युत प्रभावित हुने, कटौतीको रुटिन सहित

न्यूज ब्यूरो, १२ साउन । नेपाल विद्युत प्राधिकरणले जनकपुर र सो क्षेत्रमा आगामी साउन १९ गतेसम्म अस्थायी लोडसेडिङग हुने भनेर सूचना जारी गरेको छ ।

नेपाल सरकार, सडक विभाग, जनकपुर परिक्रममा व्यापारिक मार्ग विस्तार योजना (जटही–जनकपुर) अन्तर्गत निर्माण भइरहेको मुजेलियादेखि बेलापुलसम्मको ६ लेन सडकखण्ड निर्माणको लागि विद्युतका पोल, तार सार्ने भएकोले विद्युत कटौति हुने जनाएको छ ।

साउन ११ गते सोमबारदेखि नै जनकपुर र सो क्षेत्रमा दैनिक ३ घण्टा लोडसेडिँगको तालिका पनि सार्वजनिक गरिएको हो । विद्युत प्राधिकरणले एक सूचना जारी गर्दै जनकपुरको विभिन्न क्षेत्रमा विद्युत कटौती गरिने भएको छ ।

सूचना अनुसार, सोमबार १२ गते बलुवाटोल, रामानन्दचोक (जिरोमाईल पश्चिम), भ्रमरपुराचोकमा बिहान ५ बजेदेखि विहान ८ बजेसम्म लाइन काटिएको थियो भने १३ गते बुधबार (
भोली) देविचोक, महाराजसागर, पगलाबाबा धर्मशाला, कटैयाचौरी, माछा बजार, जिरोमाइल, पेठिया बजार, बजरँगचोक, भ्रमरपुराचोक, पिडारी चोक र रामानन्दचोक एरियामा विहान ५ बजेदेखि बिहान ८ बजेसम्म विद्युत अवरुद्ध भएको हो ।

भोली बुधबार साउन १४ गते सिटी १ अन्तर्गत रजौल, मिल्सएरिया, देवीचोक, हनुमानमन्दिर एरिया, भानुचोक, जनकचोक, मुरलीचोक, क्याम्पसचोक, सरहन्चीयाकुट्टी, जिल्ला प्रशासन कार्यालयको एरिया, जिल्ला प्रहरी कार्यालय धनुषाको एरिया सहित सिटी ३ अन्तर्गत पनि भानुचोक, वकिलटोल, रेल्वे स्टेशन, कदमचोक, मालपोत कार्यालय, मेघावुल, पिडरिया माईस्थान, कपिलेश्वर, पुलचोक, लोहना, कुवारामपुर, एयरपोर्ट एरिया लगायतका क्षेत्रहरुमा ३ घण्टा विद्युत कटौती गरिने भएको छ । सो क्षेत्रमा पनि विहान ५ बजेदेखि विहान ८ बजेसम्म कटौती हुने जनाइएको छ ।

१५ गते विहिबार बलुवाटोल, रामानन्दचोक, जिरोमाइलको पश्चिम र भ्रमरपुराचोकमा पनि सोही समयमा लाइन काटिने भएको छ । १६ गते पनि १४ गतेकै रुटिन अनुसार विद्युत कटौती गरिने भएको छ । जसमा सिटी १ र सिटी ३ अन्तर्गतको क्षेत्रहरु पर्ने भएको छ ।

१७ गते पनि १५ गतेकै अनुसारको रुटीनले लाईन काटिने भएको छ । सूचनामा उल्लेख भए बमोजिम १७ गते पनि बलुवाटोल, रामानन्दचोक, जिरोमाइलको पश्चिम र भ्रमरपुराचोक क्षेत्रमा लाईन अवरुद्ध हुनेछ ।

१८ गते भने े सिटी १ अन्तर्गत रजौल, मिल्सएरिया, देवीचोक, हनुमानमन्दिर एरिया, भानुचोक, जनकचोक, मुरलीचोक, क्याम्पसचोक, सरहन्चीयाकुट्टी, जिल्ला प्रशासन कार्यालयको एरिया, जिल्ला प्रहरी कार्यालय धनुषाको एरिया सहित सिटी ३ अन्तर्गत पनि भानुचोक, वकिलटोल, रेल्वे स्टेशन, कदमचोक, मालपोत कार्यालय, मेघावुल, पिडरिया माईस्थान, कपिलेश्वर, पुलचोक, लोहना, कुवारामपुर, एयरपोर्ट एरिया लगायतका क्षेत्रहरुमा ३ घण्टा विद्युत कटौती गरिने भएको छ । सो क्षेत्रमा पनि विहान ५ बजेदेखि विहान ८ बजेसम्म कटौती हुने जनाइएको छ ।

यस्तै १९ गते देवीचोक, महाराजसागर, पगलाबाबा धर्मशाला, कटैयाचौरी, माछा बजार, जिरोमाईल, पेठिया बजार, बजरँग चोक, पिडारीचोक, रामानन्दचोक सहित बलुवा टोल, रामानन्दचोक, जिरोमाइलको पश्चिम र भ्रमपुराचोकमा पनि लाईन अवरुद्ध रहने विद्युत प्राधिकरणको जनकपुर वितरण शाखाले सूचना प्रकाशित गरेको हो ।