प्रदेश २ लाई तालिबान बनाउन लागेको भन्दै मुख्यमन्त्री गद्दीको पुतला दहन

न्यूज ब्यूरो, जनकपुरधाम । राष्ट्रिय एकता अभियानले प्रदेश २ को मुख्यमन्त्री लालबाबु राउतको पुत्ला दहन गरेको छ ।

राष्ट्रिय एकता अभियानले प्रदेश २ सरकारले मदरसा शिक्षा विधेयक ल्याएर प्रदेशलाई तालिबान बनाउन लागेको आरोप लगाउँदै मुख्यमन्त्री राउतको आज जनकपुरधामस्थित जनकचोकमा पुत्ला दहन गरेका हुन् ।

राष्ट्रिय एकता अभियानले विधेयक फिर्ताको माग गर्दै प्रदर्शन सहित मुख्यमन्त्री राउतको पुत्ला दहन गरेका हुन् । पुत्ला दहनको क्रममा प्रहरीसँग झडप समेत भएको थियो ।

अभियानका अध्यक्ष विनय यादवले उक्त विधेयकले प्रदेश तालिबान बन्न सक्ने खतरा रहेकाले विरोध गरिएको बताए ।

मुख्यमन्त्री कार्यालय अगाडिबाट निकालिएको बिरोध जुलुस जनक चोकमा आएर कोण सभा गर्दै सम्पन्न भएको थियो । जुलुसका क्रममा उनीहरुले मुख्यमन्त्रीको राजिनामा समेत माग गरेका थिए ।

---

सिरिशसमाचारबाट