सिरहातर्फ पनि कमला नदीको कटान सुरु

न्युज ब्यूरो, सिरहा । धनुषा र सिरहा जोडने कमला नदीले धनुषापछि अब सिरहा तर्फ पनि कटान सुरु गरेको छ ।

धनुषाको सबैला नगरपालिका वडा नम्बर १३ किरतपुरस्थित कमलाको बाँध भत्काएको कमला नदीले सिरहा तर्फ कल्याणपुर नगरपालिका वडा नम्बर ६ स्थित समेत कटान सुरु गरेको छ ।

अबिरल बर्षाको कारण कमला नदीमा उच्च बहाब बढेपछि सिरहा तर्फ पनि कटान सुरु गरेको हो । सर्वसाधारणहरुको खेत जमिन पर्ने क्षेत्र पनि कटान गरिरहेको छ ।

अहिले बर्षा थामिएकोले पानीको बहाब कम भएपनि कटान भने जारी रहेको स्थानीयहरु बताउँछन् । सिरहा तर्फ समेत कटान गर्न थालेपछि स्थानीयहरुले प्रशासनको प्रतिक्षा गर्न थालेको छ ।