भत्किरहेको कमला बाँध पुगे मातृका यादव, बाँध मर्मतको लागि ५० लाख

न्युज ब्यूरो, ५ साउन । पूर्वमन्त्री एवम् नेपाल कम्यूनिष्ट पार्टी माओवादी केन्द्रका नेता मातृका प्रसाद यादवले कमला तटबन्ध मर्मतको लागि ५० लाख रुपैयाँ दिलाउने वाचा गरेका छन् ।

धनुषाको सबैला नगरपालिका वडा नम्बर १३ किरतपुरस्थित कमला नदीले तटबन्ध कटान गरिरहेको खवर पाएलगत्तै बाँध नीरिक्षण गर्न पुगेका यादवले सोही ठाउँबाट ५० लाख पैयाँ दिलाउने पक्का गरेका हुन् ।

धनुषाको निर्वाचन क्षेत्र नम्बर १ को प्रतिनीधि सभा सदस्य समेत रहेका नेता यादवल सोही ठाउँबाट उर्जा जलस्रोत तथा सिंचाई मन्त्री पम्फा भुसालसँग कुराकानी गर्दै बाँध मर्मतको लागि तत्काल रकम निकासा गर्न आग्रह गरेका थिए ।

नेता यादवका अनुसार मन्त्री भुसालले तटबन्ध मर्मतका लागि तत्काल ५० लाख निकासा गर्ने आश्वासन दिएकी छन् । मन्त्री भुसालले तटबन्ध समस्याको दीर्घकालीन समाधानका निम्ति पहल गर्ने पनि प्रतिवद्धता जनाएकी छन् ।

पूर्वमन्त्री यादवका साथै धनुषाका प्रमुख जिल्ला अधिकारी (सिडिओ )बन्धुप्रसाद बास्तोलाको टोली समेत नीरिक्षण गरेका छन् । यसअघि पनि बाढीको सतह बढेपछि सक्रिय भएका सिडिओ वास्तोलाले त्यहाँ सुरक्षाकर्मी लगाएर भएपनि तत्काल अस्थायी रोक लगाउनुपर्नेप्रति जोड दिएका थिए ।

कमलाबो बाँध जोगाउन आवश्यक काम भइरहेको बताउँदै उनले नेपाल प्रहरी, सशस्त्र प्रहरी, नेपाली सेना र स्थानीयवासीहरुको सहयोगमा तटबन्ध जोगाउने कार्य सुरु गरिएको बताए ।