'बर्दिवासबाट मेडिकल कलेज सार्न अभियानीहरुको वन विनाशको बहाना'

न्यूज ब्यूरो, बर्दिवास । प्रदेश नम्बर २ को बर्दिवासस्थित बन्ने भनिएको मेडिकल कलेज अन्तै सार्नको लागि जनकपुरका अभियानीहरुले वन विनाशको बहाना बनाएको आरोप लगाईएको छ ।

मेडिकल कलेजका पुर्वाधार निर्माण आयोजनाका निर्देशक देवीप्रसाद सुवेदी केही वातावरण अभियानीहरुले चुरे विनासको विवाद झिकेर प्रदेश २ का नागरिकको आशा र भरोसाको आयोजना मानिने बर्दिबास मेडिकल कलेज निर्माणको कामलाई अन्यौलग्रस्त बनाएको बताएका छन् ।

सरकारले महोत्तरीको बर्दिबास–४ माइस्थानस्थित राजमार्गको किनारमा रहेको सामुदायिक वनको जग्गामा सरकारले मेडिकल कलेजको पूर्वधारको अन्तिम तयारीमा रहेको बेला जनकपुरका अभियानीहरुले व्यक्तिगत रुपमा अवरोध खडा गरेको प्रतिक्रिया दिएका छन् ।

सबै प्रक्रिया अगि बढाएर झण्डै ३५ अर्बको परियोजनाका लागि जग्गा प्राप्तिको चरणमा अवरोध भइरहेको बर्दिबास मेडिकल कलेजका पुर्वाधार निर्माण आयोजनाका निर्देशक सुवेदीले बताए । ‘सुरुको कुनै अवरोध भएन । तर, सबै प्रक्रिया अन्तिम चरणमा पुगेको समयमा वन विनासको मुद्दा झिकेर काममा अवरोध भयो,’उनले भने,‘ तोकिएको ठाउँमा मेडिकल कलेज बन्नु पर्छ । यसको कुनै विकल्प छैन ।’

नेपाल सरकारले २०७३–०७४सात वटै प्रदेशमा एक ÷एक वटा मेडिकल कलेज बनाउने योजना अनुसार प्रदेश २ का लागि बर्दिबास छनौटमा परेको हो ।

राजमार्ग नजिकै मेडिकल कलेज बन्दा प्रदेश २ सबै जिल्ला र प्रदेश १ को उदयपुर, ओखलढुङ्गा,सोलुखुम्बु र खोटाङ्गका साथै बागमती प्रदेशको सिन्धुली, रामेछाप, दोलखाका स्वास्थ्य उपचारका लागि सहज पहुँच पुग्ने निर्देशक सुवेदीले जनाए ।

आयोजना कार्यान्वयनका लागि झण्डै ५ करोंड खर्च भइसकेको छ । जग्गा प्राप्तीको फाइल डिभिजन वन कार्यालय महोत्तरी संघीय सरकारको वन मन्त्रालयमा नपठाउँदा २ महिनादेखि आयोजनाको काम ठप्प बनेको छ ।

बर्दिबास मेडिकल कलेज संगै सरकारले घोषण गरेको बुटवल मेडिकल कलेजको प्रक्रिया सम्पन्न भई जग्गा प्राप्ती गरी निर्माणको चरणमा रहेको छ ।

एक सय १ हेक्टर क्षेत्रफलमा बर्दिबास मेडिकल कलेज निर्माण गर्ने पहिलो चरणका कामलाई छोट्उँदै कलेज भौतिक पूर्वधार सहितको ४९ हेक्टर जग्गामा निर्माण गर्न प्रदेश २ सरकारकैमा सल्लाहमा काम थालिएको थियो ।

प्रदेश २ सरकारले जिल्लाबाट सिफारिस पठाउन आलटाल गरिरहेको हो । ४९ हेक्टर भित्र १ हजार ९६७ बाट रुख छन् । भौतिक संरचना निर्माण हुँदा ३ सय बढी मात्रै रुख कटान हुने छ ।

कटान हुने रुखको बदलामा सार्वजनिक स्थानहरुमा १ लाख बिरुवा रोप्न सुरु गरिएको बर्दिबास नगरपालिकाका मेयर बिदुर कुमार कार्कीले जनाए । ‘बर्दिबास मेडिकल कलेज बर्दिबासमै बन्नु पर्छ,’उनले भने ।

---

महोत्तरीपोष्टकोसहयोगमा