उपद्रवीहरुदले बारम्बार इन्टरनेटको तार काटिदिँदा सेवाग्राहीहरु मार्कामा

उमेश यादव, सिरहा । सिरहा जिल्लास्थित उपद्रवीहरुले इन्टरनेटको तार काटिदिँदा सेवाग्राहीहरु मार्कामा परेका छन् । सिरहा नगरपालिका वडा नंं. ६ कार्यालयको इन्टरनेट लाइन काटेर सेवा कार्य प्रभावित गर्ने प्रयास गरिएको छ । उपद्रवीहरुले १५–२० दिनको अन्तरालमा तीन पटक सो कार्यालयको इन्टरनेटको तार काटेको हो ।

पटक–पटक इन्टरनेटको तार काट्दा सेवाग्राही मार्कामा परेको वडा नं. ६ का अध्यक्ष विजय कुमार यादवले बताए । अध्यक्ष यादवका अनुसार जन्मदर्ता, मृत्युदर्ता, वालपोषण, बृद्ध भत्ता सहितका कार्य अनलाइनबाट नै हुनेभएकोले वाईफाइको तार काट्दा सेवाग्राही मार्कामा परेका छन् । अनलाईनबाट हुने सेवा कार्य ठप्प हुँदा उनीहरु मार्काम परेका हुन् ।

सोही वडाका लागुऔषध सेवन गर्ने केही युवाले यस्तो अपराधिक कार्य गरेको अनुमान गरिएको छ । उनीहरु रातिको समयमा इन्टरनेटको तार काट्ने, कार्यालय कक्षको झ्याल खोली थुक्ने, कुर्सी टेबुल तथा परिसरमा जथाभावी फोहर गर्ने गरेका छन् ।

ती युवाहरु किन यस्तो गर्दै छन् वा अपराधी मानसिकता भएकोले नै यस्तो उपद्रव गरेका हुन यकिन भएको छैन । वडाअध्यक्ष यादव स्थानीय प्रहरीसंग यो विषयमा छलफल समेत गरेका हुन् ।