कमला नदीमा खतराको घण्टी, नदीमा फँसेका तीन जनालाई नेपाली सेनाले गरे उद्धार

न्यूज ब्यूरो, जनकपुरधाम । धनुषा र सिरहा जिल्ला जोडने कमला नदीमा अहिले पानीको बहाब निरन्तर बढदै गएपछि अलर्ट गरिएको छ ।

सिरहाका प्रमुख जिल्ला अधिकारी (सिडिओ) प्रदीपराज कणेलले कमला नदी आसपास क्षेत्रमा टोली सहित अलर्ट जारी गरेका छन् । अहिले कणेल नेतृत्वको टोलीले कमला तटको गाउँवस्तीमा पुगेर नीरिक्षण गरेका हुन् ।

उनका अनुसार, सिन्धुलीतर्फको बहान ३ मिटर र सोभन्दा तल अर्थात सिरहा धनुषातर्फ डेढ मिटर बहाब बढेको हो । पानीको सहत डेढ मिटर बढनुको साथै निरन्तर बढोत्तरी हुन थालेपछि आसपाको ईलाकामा अलर्ट जारी गरिएको सिडिओ कणेलले बताए ।

सोही क्रममा सिरहाको कर्जन्हा नगरपालिका वडा नम्बर ३ सुन्दरपुरस्थितबाट तीन सर्वसाधारणलाई उद्धार गरिएको छ । कमला नदीमा फँसेको बेला सूचना पाए लगत्तै जिल्ल विपद व्यवस्थापन समितिको टोली र नेपाली सेनाको टोलीले उद्धार गरेको हो ।

बुधबार दिउँसो नदीमा फँसेकी दुई महिला र एक साधुबाबालाई सेनाको टोलीले उद्धार गरेको हो । डुँगा (नाउ) को साहाराले बीच नदीमा फँसेका उनीहरुलाई बग्नबाट जोगाएको सिडिओ कणेलले जानकारी दिए ।