धनुषाको विदेह नगरपालिकाभरि जनमत पार्टीद्धारा विपन्नलाई राहत

न्युज ब्यूरो, जनकपुरधाम । निरन्तर निषेधाज्ञा र लकडाउनका कारण पीडित बनेका नागरिकलाई जनमत पार्टीद्धारा नगरपालिकाभरि नै राहत वितरण गरिएको छ ।

डा. सिके राउत नेतृत्वको जनमत पार्टीले धनुषाको विदेह नगरपालिकाको वडा नम्बर १ देखि वडा नम्बर ९ सम्म खाद्यान्न समाग्री वितरण गरेको हो ।

नगरपालिकाभरिको विपन्नि परिवार, पीडामा भएका परिवार, रोजगारी गुमाएर घरमै बसेका परिवारलाई राहत दिएको हो । उनीहरुलाई चामल, दाल, तेल, तरकारी, साबुन, मास्क लगायतका समाग्रीहरु वितरण गरिएको छ ।

जनमत पार्टीको तर्फबाट एक परिवारलाई एक राहत प्याकेजमा १५ किलो चामल, ५ किलो आटा (पिठो), २ किलो दाल, १ किलो नुन, १ लिटर तेल, एक पौवा सोयाबिन, विस्कुट र चाउचाउ लगायतका समाग्रीहरु वितरण गरिएको विदेह नगर सँयोजक धीरज मण्डलले बताए ।

राहतको लागि जनमत पार्टीका विदेश विभागका पदाधिकारीहरुले सहयोग गरेका हुन् । सिँगापुरबाट डा. श्याम महतो, युएसएबाट ई. अभिशेष झा, युएई दुबईबाट सँतोष ठाकुर , दीपेन्द्र पँजीयार, र निलेश ठाकुर लगायतले मदत पठाएका थिए ।