Breaking : सिरहाको मिर्चैयामा चल्यो गोली , एक गम्भिर !

न्यूज ब्यूरो, सिरहा । प्रदेश नम्बर २ को सिरहा जिल्लास्थित केही बेर अगाडी मात्र गोली चलेको छ ।

जिल्ला प्रहरी कार्यालय सिरहाका अनुसार बेलुकी करिब ८ः३० बजेतिर सिरहाको मिर्चैया बजारस्थित गोली चलेको हो । गोली लागेर एक पुरुष गम्भिर घाईते भएको प्रहरीले जनाएको छ ।

गोली लागेर घाईते हुनेमा सिरहाको मिर्चैया नगरपालिका वडा नम्बर ५ बस्ने राम लखन साफीको बर्ष ४० को छोरा रामसागर साफी रहेको प्रहरीले जनाएको छ ।

उनको अहिले मिर्चैयास्थित रहेको मँगलम हेल्थ केयरमा उपचार भइहेको छ । साफी मिर्चैयास्थित सिद्धिको मेडिको नामक औषधी पसल सँचालन गर्दै आएका थिए । पूजा गरिरहेको समयमा उनीमाथि अज्ञात व्यक्तिले गोली प्रहार गरी भागेको बताइएको छ ।

उनको दाहिने खुट्टामा गोली लागेको जनाइएको छ । अहिले जिल्ला प्रहरी कार्यालय सिरहाको एसपीसहितको प्रहरी टोली घटनास्थलको लागि निस्केको जनाईएको छ ।