मन्त्री बन्न नपाएपछि नेता यादवको महतोसँग ब्रेकअप, यादवसँगै यादवको प्याचअप ?

न्यूज ब्यूरो, जनकपुरधाम । पूर्व राजपा एवम् वर्तमान जनता समाजवादी पार्टीका नेता राजकिशोर यादव मन्त्री पद नपाएपछि उपेन्द्र यादवको खेमामा गएका छन् ।

जसपाको महन्थ ठाकुर–राजेन्द्र महतो समुह प्रधानमन्त्री केपी शर्मा ओलीको सरकारमा गएपछि यादवलाई मन्त्रीमण्डलमा समावेश गरेनन् । मन्त्रीमा ‘चान्स’ नपाएका कार्यकारिणी समिति सदस्य समेत रहेका पूर्व राजपा अध्यक्ष मण्डलका सदस्य राजकिसोर यादवले मन्त्रीमण्डल ठिकै रहेको प्रतिकृया दिए ।

‘१० दिने मन्त्रीमण्डलमा सहभागि हुनुको कुनै तुक छैन्’ उनले भने, सरकार नै रहने अवस्था छैन् । सरकारमा सहभागि नगराइएका कार्यकारिणी सदस्य यादवले ठाकुर–महतो खेमा साथ छाडेका छन् । उनलाई ठाकुर–महतो समुहले मन्त्री बनाउन अस्वीकार गरेकाले अब सोझै अध्यक्ष उपेन्द्र यादवको खेमामा लागेका छन् ।

कार्यकारिणी समितिमा यादव समुहको बहुमत अब दुई तिहाई पुग्ने छ । यादवले ठाकुर–महतोलाई पछिल्लो समयमा साथदिदै आएका थिए । तत्कालिन संघिय संसदको बहुमत ठाकुर–महतो पक्षमा पु¥याउन यादवलेपनि महत्वपूर्ण भूमिका खेलेका थिए ।

जानकारी अनुसार, राजकिशोर यादव सँचार मन्त्रालय मागेका थिए, तर भित्रैभित्र पहिलेदेखि नै उपेन्द्र यादवसँग नजिकिएका यादवलाई सो मन्त्रालय नदिएर मन्त्री बनाइदिएपछि असन्तुष्ट बनेका छन् ।

केही दिन अघि प्रतिनीधिसभा विघटन भएपछि विरोध कार्यक्रमको दौरान सिरहामा राखिएको कार्यक्रममा राजकिशोर यादवलाई बरियताक्रममा दर्जा तल पारेपछि उनका पक्षका नेता कार्यकर्ताहरु उपेन्द्र यादवको विरोधमा उत्रेको थियो ।

---

जनकपुरटुडेको सहयोगमा