जनकपुरः साँसद 'यादव' ले विद्यार्थीलाई घर बोलाए, ईन्जिनीयर 'यादव' ले विद्यार्थी 'यादव' लाई कुटे

न्यूज ब्यूरो, जनकपुरधाम । प्रदेश नम्बर २ को धनुषा जिल्लास्थित एक प्रदेश साँसदले विद्यार्थी कुटन लगाएको आरोप लगाइएको छ ।

धनुषा निर्वाचन क्षेत्र नम्बर २ को (क) का प्रदेश साँसद शैलेन्द्र यादवले एक विद्यार्थीलाई आफ्नो घर बोलाएर दाईबाट कुटपिट गर्न लगाएको आरोप लगाइएको हो । स्थानीय विद्यार्थी अजय यादवलाई आफ्नो घर बोलाएर कुटपिट गरेको बताइएको छ ।

जसपाका नेता समेत रहेका धनुषा शहिदनगर नगरपालिका वडा नम्बर ७ धबौली बस्ने प्रदेश साँसद यादवले विद्यार्थी यादवलाई केही कुरा गर्नुछ भनेर घर बोलाएको र दाईबाट कुटपिट गर्न लगाएको आरोप विद्यार्थी यादवको छ ।

साँसद यादवले छलफल गर्नुछ भन्दै स्था अजयलाई आफ्नो घर बोलाएका थिए । केही बेर बसेर कुराकानी गरी सुनुयोजित रुपमा साँसद यादवका दाई इन्जिनियर बिरेन्द्र यादवले अजयलाई कुटपिट गर्न थालेको आरोप लगाइएको छ ।

गत बुधवार अजयलाई कुनै कुराको सन्दर्भ देखाएर बोलाएका थिए । उनलाई कुटपिट गरेपछि उनी आफ्नो घर भागेका थिए । सोही सन्दर्भमा नेपाल विद्यार्थी संघ राराब क्याम्पस इकाई कमिटीका एकाई सभापति सुजित कुमार यादवले विज्ञप्ती जारी गरेर पीडित विद्यार्थी यादवलाई उचित न्यायका लागि सम्बन्धित निकायसँग माग गरेका छन् ।

छलफलका क्रममा साँसद यादवका सहोदर दाई ईन्जिनीय बीरेन्द्र यादवले एक्कासी गालीगलौज गर्नुका साथै कुटपिट गर्न थालेपछि उनी भागेर आफ्नो घर पुगेका थिए ।

यस सन्दर्भमा प्रदेश साँसद शैलेन्द्र यादवको मोबाईल नम्बर ९८५४०२१९५१ मा सम्पर्क गर्दा फोन उठाएनन् ।