रक्सी खान नेपाल छिर्न नदिएपछि सीमामा भारतीयले सशस्त्र प्रहरीको बर्दी च्याते

न्यूज ब्यूरो, जलेश्वर । प्रदेश नम्बर २ को महोत्तरीसँगै रहेको नेपाल–भारत सीमामा आईतबार राती एक भारतीय नागरिकले नेपाल छिर्न खोज्दा विवाद भएको बताइएको छ ।

महोत्तरीको मटिहानी नगरपालिका ७ र ८ नं. वडाको सिमामा पर्ने दशगजा स्थित २ नं. वोर्डरमा शसस्त्र प्रहरी र भारतिय क्षेत्रका स्थानियहरु विच आईतवार राती विवाद भएको घटनाको वास्तविकता सँचारमाध्यममा आएको समाचारभन्दा फरक रहेको बताइएको छ ।

मदिरा सेवन गरेका एक भारतिय नेपाली सिमामा छिर्न खोज्दा रोक्न गएको शसस्त्र प्रहरीलाई गाली गलौज गरेपछि उक्त विवाद भएको शसस्त्र प्रहरी बल नेपाल नं. ९ वाहिनीका एसपी सुरेश सापकोटाले बताएका छन ।

विवादकै क्रममा नेपाल छिर्न खोजेका सोहि ठाउको भारतयि क्षेत्रमा बसोवास गर्ने रामदुत कामतले शसस्त्र प्रहरी जवान विवेक ढकालको युनिफर्म च्यातिदिएपछि उनलाई समात्न खोज्दा भारतिय क्षेत्रका स्थानियहरुले शसस्त्र प्रहरीहरुमाथी ढुंगामुढा गरेको एसपी सापकोटाले बताए ।

सोहि क्रममा भारतियहरुले फ्याकेको ढुंगा सोहि जवान ढकाललाई लागेको तर उनी घाईते हुनबाट जोगिएको एसपी सापकोटाले वताए ।

सिमापारीका स्थानियहरुको भिड सिमामा वढ्दै गएको र केहि वेर लगातार ढुंगामुंढा गरेपछि अवस्था झनै विग्रिन सक्ने भएकोमा अवस्था सामान्य राख्न शसस्त्र प्रहरी सिमाभन्दा केहि मिटर आफ्नै भुमि तर्फ फर्केपछि ढुंगामुढा गर्ने ति भारतियहरुले सिमामा नेपाली सुरक्षाकर्मीहरुले लगाएको बाँसको घेरावेरा र कोभिड संक्रमितलाई चेकजाच गर्न बनाइएको टेन्ट समेत तोडफोड गरेका थिए ।

पछि भारतिय सुरक्षाकर्मीहरुले नेपाली सुरक्षाकर्मीहरुमाथी ढुंगामुंढा गर्ने ति स्थानियहरुलाई भारतिय क्षेत्र तिरै लखेटेपछि अवस्था सामान्य बनेको थियो ।

शसस्त्र प्रहरी बल नेपाल विओपी मटिहानीका ईन्चार्ज शसस्त्र प्रहरी निरिक्षक बलराम गौतमले नेपाल तर्फ प्रवेश गर्न खोजेका कामतलाई शुुरक्षाकर्मीको युनिफर्म च्यातेको र ढुंगामुढा गराएको आरोपमा समात्न खोजेको तर उनी भाग्न सफल भएको बताए ।

यता भारतिय नागरिक कामतले नेपाली सुरक्षाकर्मीको युनिफर्म च्यातिदिएपछि शसस्त्र प्रहरीले दुई तिन भाटा कामतलाई हानेको स्विकारे तर सो वाहेक कसैमाथी लाठीचार्ज वा दोहोरो झडप भने नभएको दावी गरे ।

गल्ति उनीहरुकै भएकोले केहि मिनट पछि नै तनाव समाप्त भएको बताउदै शसस्त्र प्रहरी निरिक्षक गौतमले सिमा अति नै संवेदनशिल स्थान भएकोले त्यहा तनाव हुन नदिन नेपाली सुरक्षाकर्मीहरुको तर्फबाट संयमता अपनाइएको थपे । विवादको क्रममा शसस्त्र प्रहरीले मदिरा सेवन गरेर शसस्त्र प्रहरीको युनिफर्म च्यात्ने वाहेक कसैमाथी लाठीचार्ज नगरेको बताए ।

मटिहानीमा दशगजामै वारीपारी घरहरु रहेकोले नेपाली तथा भारतिय सुरक्षाकर्मी र दुई तर्फका स्थानियहरु विच विगतमा समेत विभिन्न सामान्य बादविवाद वा झडप समेत हुने गरेको छ ।