उल्टो झुण्डयाइए राष्ट्रपति भण्डारी र प्रधानमन्त्री ओली

न्यूज ब्यूरो, वीरगँज । संयुक्त विद्यार्थी मोर्चा ठाकुराम बहुमुखी क्याम्पसले वीरगञ्जमा राष्ट्रपति विद्यादेवी भण्डारी र प्रधानमन्त्री केपी शर्मा ओलीको पुत्ला उल्टा झुण्ड्यएर सांकेतिक प्रदर्शनी गरेको छ ।

राष्ट्रपति भण्डारी र प्रधानमन्त्री ओलीले संसद् विघटन गरी मध्यावधी निर्वाचन घोषणा गरेर संविधान माथि प्रहार गरेको भन्दै मोर्चाले सोमबार ठाकुरराम बहुमुखी क्याम्पसको मूलद्वारमा उनीहरुको पुत्ला उल्टा झुण्ड्याएर सांकेतिक विरोध प्रदर्शन गरेको हो ।

पाल विद्यार्थी सङ्घ, अखिल (क्रान्तिकारी), समाजावादी विद्यार्थी युनियन र अनेरास्वयियूले संयुक्त रुपमा बनाएको मोर्चाबाट गरिएको प्रदर्शनमा राष्ट्रपति र प्रधानमन्त्रीको पुत्ला उल्टा झुण्ड्याइएर संसद् विघटन खारेज गर, विद्या(केपी मुर्दाबाद, प्रतिगमनलाई अन्तिम धक्का लगायतका नारा पनि लेखिएको थियो ।

जिल्लामा कोरोना महामारी नियन्त्रणका लागि लगाइएको निषेधाज्ञामा समेत विद्यार्थीहरुले दैनिक विरोध प्रदर्शन गरिरहेका छन् । नेकपा माओवादी केन्द्र निकट अखिल (क्रान्तिकारी) ले हिजो मात्रै राष्ट्रपति र प्रधानमन्त्रीको पुत्ला जलाएका थिए ।