जन्ती (बाराती) लिएर हिडेको बस दुर्घटना, ५ जनाको अवस्था गम्भीर

न्यूज ब्यूरो, रौतहट । प्रदेश नम्बर २ को रौतहट जिल्लास्थित जन्ती (बाराती) लिएर हिँडेको बस दुर्घटना हुँदा पाँच जना गम्भिर घाईते भएका छन् ।

रौतहटको गुजरा नगरपालिकास्थित खतवहिआबाट जन्ती लिएर गएको बस बाराको मानमत कलैया सडकखण्ड अन्तरगत जितपुर सिमरा उपमहानगरपालिका १६ को डकाहमा दुर्घटना भएको छ ।

दुर्घटनामा १६ जना घाइते भएका छन् । घाइतेमध्ये ५ को अवस्था गम्भीर रहेको छ । सोमबार विहान सवा १० बजे ना४ ख ४७४९ नम्बरको बस दुर्घटनामा भएको प्रहरीले जनाएको छ ।

घाइतेहरूलाई उपचारका लागि तत्कालै एम्बुलेन्सबाट जिल्ला अस्पताल कलैया तथा नेस्नल मेडिकल कलेज वीरगन्ज पठाइएको छ ।

बस तिव्र गतिको भएका कारण दुर्घटनामा परेको र बेहुला बेहुली भने अर्को गाडीमा रहेकाले सुरक्षित रहेका छन् ।