जनकपुरको अक्सिजन प्लान्टमा भोलीदेखि उत्पादन सुरु हुने : सिडिओ

न्यूज ब्यूरो, जनकपुरधाम । प्रदेश नम्बर २ को अस्थायी राजधानी जनकपुरधामस्थित विहिबारदेखि नै सुरु हुने भनिएको अक्सिजन प्लान्ट मेसिन अभावमा शनिबारसम्म सुचारु हुने बुझिएको छ ।

धनुषाका प्रमुख जिल्ला अधिकारी (सिडिओ) बन्धु प्रसाद बास्तोलाले जनकपुरधाम उपमहानगरपालिका वडा नम्बर २३ लादोबेला स्थित जडान गरिएको अक्सिजन प्लान्टमा प्रविधिको अभावले विहिबारसम्म सुचारु हुन नसेको बताए ।

उनले भारतको पटनाबाट प्रविधिक मगाउनुपर्ने आवश्यकता रहेको औल्याउँदै सँचालकले विहिबारसम्म प्राविधिक अभावमै सँचालन गर्न नसकेपनि शनिबारसम्म सँचालनमा आउने बताए । उनले शनिबार सँचालन नभए अझै दुई तिन दिन लाग्न सक्ने थपे ।

उनले भने,–“अक्स्जिन प्लान्ट उत्पादनको लागि तयार छ । केही प्रविधिक गडबडी छ । प्राविधिक पनि नआएर समस्या भएको हुन सक्छ । मेरो जानकारी अनुसार, प्राविधिक नआएर उत्पादन सुरु भएको छैन । भारतको पटनाबाट प्राविधिक ल्याएर शनिबारसम्म सँचालन हुने जानकारी पाएको छु । भोली भएन भने दुईतिनदिन अझै लाग्न सक्ने अवस्था छ ।

सँचालकलाई उदृत गर्दै सिडिओ वास्तोलाले प्लान्टको लागि चाहिने एक मेसिन समेत नेपालमा उपलब्ध नभएको कारण भारतबाटै मगाउनुपर्ने बाध्यता रहेको छ । सँचालकले भारतबाट सो मेसिन ल्याएपछि तुरुन्त सुचारु हुने बताउँदै मेसिन ल्याउन आवश्यक प्रक्रिया पूरा गरिएको बताए ।

जनकपुरधाम उपमहानगरपालिका वडा नम्बर २३ लादोबेला स्थित नयाँ एसआर ग्रुपद्धारा अक्सिजन प्लान्ट सुरु हुने भएको छ । महामारीमा विभिन्न अस्पतालमा अक्सिजनको कमी भएको अवस्थामा अक्सिजन प्लान्ट कोशेढुँगा साबित हुने विश्वास लिएको छ ।

जनकपुरधाम उद्योग बाणिज्य सँघका अध्यक्ष जीतेन्द्र महासेठका अनुसार, सो अक्सिजन प्लान्टमा सुरुमा दैनिक ३०० अक्सिजन सिलिण्डर उत्पादन हुने भएको छ । जनकपुर सहित आसपासका क्षेत्रमा पनि अक्स्जिन सप्लाई हुने भएको छ ।

जनकपुर जस्तो क्षेत्रमा समेत अस्पतालहरुमा अक्सिजनको कमी भएको अवस्थामा सुरु हुन लागेको नयाँ अक्सिजन प्लान्टले कुनै पनि हस्पिटलमा अक्सिजनको कमी हुन नदिने दाबी गरिएको छ ।

एक दिनमा ३०० सिलिण्डर अक्जिन भर्ने प्लान्टमा केही दिनमै ७०० सम्म सिलिण्डर भर्ने तयारी गरिएको छ । महासेठले भने,–“जनकपुरमा पूर्ण रुपमा अक्सिजनको सप्लाई गर्छौ, अक्सिजनको कमी नभएको महसुस भएपछि जनकपुरभन्दा बाहिर आसपासका जिल्लाहरुमा पनि पर्याप्त मात्रामा अक्सिजन सिलिण्डर निर्यात गर्नेछौं ।”

आगामी ४ दिनभित्रै लादोबेला स्थित सँचालनमा आउने सो अक्सिजन प्लान्टको लागि पहिलेदेखि नै योजना भएपनि विभिन्न विधि विधान र आवश्यक जनशक्तिको अभावमा सँचालनमा आउन सकेका थिएनन् । तर, केही जनशक्ति परिपूर्ति भएपनि अझै प्राविधिक र केही मेसिनको अभाव झेलिरहेको बताईएको छ ।

जनकपुरको विभिन्न अस्पतालमा अहिले पनि अक्सिजनको कमीले सँक्रमितहरुको ज्यान अझै जोखिममा रहेको अवस्थामा जनकपुरमै उत्पादन हुने अक्सिजनले यहाँको लागि कोशेढुँगा साबित हुनेछ ।