प्रदेश २ः कोरोनाबाट मृत्यू भएका परिवारबाट मनपरी रकम असुली गर्ने दुई जना पक्राउ

न्यूज ब्यूरो, वीरगँज । कोरोनाको विषम परिस्थितिमा कोरोनाबाट सँक्रमित भएका व्यक्ति तथा सँक्रमणबाट मृत्यू भएका परिवारबाट मनपरी रकम उठाउने एक जना पक्राउ परेका छन् ।

प्रदेश नम्बर २ को वीरगँजबाट मनोमानी ढँगले एम्बुलेन्सको भाडा असुलिरहेको गोप्य सूचनाको आधारमा प्रहरीले दुई जनालाई पक्राउ गरेको हो । उनीहरुले विषम परिस्थितिमा मौकाको फाईदा उठाएको आरोप छ ।

वीरगँज सहित पर्सा जिल्लामा सँचालनमा रहेको कतिपय एम्बुलेन्स चालकहरुले कोडिभ–१९ को सँक्रमणको विषम परिस्थितिको फाईदा उठाउने मनसायले सँक्रमित व्यक्ति तथा उक्त सँक्रमणको कारण मृत्यू भएको परिवारबाट मनोमानी भाडा असुलेको आरोपमा पक्राउ गरिएको हो ।

पक्राउ पर्नेहरुमा पर्सा जिल्लाको बहादुरमाई नगरपालिका वडा नम्बर ९ बस्ने बर्ष ३५ को कामरुद्दिन रायभर र बिन्दाबासिनी गाउँपालिका वडा नम्बर १ बस्ने बर्ष २२ का बीरबल मुखियार रहेका छन् ।

उनीहरुले मनोमानी भाडा असुल गरिरहेको भन्ने सूचना यस कार्यालयमा प्राप्त भई सो को सम्बोधन गर्ने क्रममा भएको सूचना परिचालन र प्रहरी कारबाहीको सिलसिलामा शुक्रबार दुवै जनालाई पक्राउ गरेको हो ।

दुवै जना एम्बुलेन्स चालकहरूले सेवाग्राहीसँग तोकिएको दर भन्दा बढी भाडा असुली गरेको फेला परेकोले उनीहरूलाई जिल्ला प्रहरी कार्यालय पर्साबाट खटिएको टोलीले उनीहरुले सञ्चालन गरेको ना. २. च. ३२५६ र ना. ३ च. ८१९९ नम्बरको का २ वटा एम्बुलेन्ससहित पक्राउ गरेको हो ।

शुक्रबार साँझ ६ः०० बजेको समयमा जिल्ला पर्सा बीरगञ्ज महानगरपालिका वडा नम्बर १५ स्थित नेशनल मेडिकल कलेजको प्राङ्गणबाहिर सडकबाट नियन्त्रणमा लिई कालाबजारी गरेको अभियोगमा अनुसन्धान भइरहेको जनाएको छ ।

यसकासाथै प्रहरीले अन्य कुनै ठाउँमा पनि यस्तो कालोबजारी गरिरहेको पाइएमा प्रहरीलाई जानकारी गराई सहयोग गरिदिन आम नागरिकमा अपिल समेत गरेको हो ।