जनकपुरः मोटरसाईकलले ठक्कर दिएपछि एक युवकको मृत्यू, दुई घाईते !

न्यूज ब्यूरो, जनकपुरधाम । प्रदेश २ को अस्थायी राजधानी जनकपुरधामदेखि केही दुरीमा रहेको ढल्केवरस्थित मोटरसाईकलले ठक्कर दिएपछि एक युवकको मृत्यू भएको छ ।

धनुषाको मिथिला नगरपालिका वडा नम्बर ८ स्थित गएराती नै मोटरसाईकलले ठक्कर दिएपछि एक युवकको मृत्यू भएको इलाका प्रहरी कार्यालय ढल्केवरले जनाएको छ ।

बिहिबार राती करिब ९ बजेको समयमा वडा नम्बर ८ स्थित अचेत अवस्थामा भेटाएका ती युवकलाई उपचारको लागि विराटनगर लैजाने क्रममा मृत्यू भएको प्रहरीले जनाएको छ । उनको अझै सनाखत भने नभएको जनाइएको छ ।

ढल्केवरस्थित मिथिला नगरपालिकाको कार्यालय अगाडि पूर्वपश्चिम लोकमार्गमा पश्चिमबाट पूर्वतर्फ जाँदै गरेको बा ४६ प ८२१७ नम्बरको मोटरसाइकलको ठक्करबाट उनको मृत्यु भएको इलाका प्रहरी कार्यालय ढल्केवरका प्रहरी निरीक्षक प्रदीप सुवेदीले जानकारी दिए ।

उनका अनुसार पहिचान खुल्न नसकेको व्यक्तिले एक्कासी बाटो काटेपछि दुर्घटना भई मृत्यू भएको हो । ती युवकको पहिचान गर्नको लागि इलाका प्रहरी कार्यालय ढल्केवरले मृतकको फोटो समेत फेसबुकमा सार्वजनकि गरेको हो ।

नामथर, वतन नखुलेका अन्दाजी ३१ बर्षीय युवकको मोटरसाइकलको ठक्करबाट मृत्यु भएको उनले बताए ।

ठक्करबाट गम्भीर घाइते भएका पैदलयात्री युवालाई उपचारका लागि प्रादेशिक अस्पताल जनकपुर पठाएकोमा सो अस्पतालनमा उपचार हुन नसकेपछि थप उपचारका लागि बिराटनगरस्थित न्यूरो अस्पताल लैजाने क्रममा बिहान ४ बजेतिर बाटोमै मृत्यु भएको सुवेदीले जानकारी दिए ।

मृतक युवकको शव प्रादेशिक अस्पताल जनकपुरमा राखिएको छ भने ठक्कर दिने मोटरसाइकललाई प्रहरीले नियण्नत्रमा लिएको छ ।

मोटरसाइकल चालक झापा हल्दीबारी गाउँपालिका १ रामचौक बस्ने २१ वर्षीय नवराज ओली र मोटरसाइकलमा पछाडि सवार सोही ठाउँका २१ वर्षीय मिलन कटुवाल सामान्य घाइते भएको छ ।

उनीहरुको ढल्केवरस्थित एक निजी स्वास्थ्य उपचार केन्द्रमा उपचार भइरहेको प्रहरीले जनाएको छ ।