जनकपुरका एक व्यावसायीको कोरोनाले मृत्यू !

न्यूज ब्यूरो, जनकपुरधाम । कोरोना सँक्रमणका कारण जनकपुरका एक व्यावसायीको विहिबार मृत्यू भएको छ ।

जनकपुरका एग्रो व्यवसायी धर्मनाथ साहको कोरोना सँक्रमणको कारण आज मृत्यु भएको हो । स्वासप्रश्वासमा समस्या देखिएपछि उपचारका लागि काठमाडौको ग्राण्डी अस्पतालमा भर्ना गरिएको थियो ।

त्यही व्यावसायीको जाँचपनि गरिएको थियो । गत तिन दिनदेखि भेनिटलेटरमा साह रहेका थिए । ५८ वर्षिय साह आज करिब १ः३० बजे मृत्यू भएको छ ।

शुरुमा जनकपुरधामको काव्या अस्पतालमा उपचार गरिएको थियो पछि हेलिकप्टरद्वारा उपचारका लागि काठमाडौ लगिएको थियो ।

जनकपुरधामको भानु चोक स्थित नेपाल एग्रो सेन्टरका सञ्चालक रहेका थिए । नेपालकै नाम चलेका एग्रो व्यापारीको रुपमा पहिचान बनाएका थिए । साहको श्रीमति, दूई छोरा र छोरी रहेको छ ।

धनुषामा यसपाली अहिलेसम्म ५ जनाको मृत्यु भएको छ ।