सिडिओ कार्यालय धनुषामा पुनः सिन्डिकेट, कुन पालिकाको पालो कुन दिन ?

न्यूज ब्यूरो, जनकपुरधाम । जिल्ला प्रशासन कार्यालय धनुषा (सिडिओ अफिस) मा पुनः तेस्रो पटक सेवाग्राहीहरुको लागि सेन्डीकेट लागू गरिएको छ ।

आउँदो साताको आईतबारदेखि धनुषा जिल्ला प्रशासन कार्यालयमा पनि सेवाको सिन्डीकेट अर्थात आलोपालो प्रणाली लागू गरिएको छ । कोरोना भाइरसको सँक्रमणलाई मध्यनजर गर्दै सो प्रणाली लागू गर्न लागिएको हो ।

दिनानुदिन कोरोनाको प्रभाव बढदै गएको तथा जिल्ला प्रशासन कार्यालय धनुषामा देखिएको भीडलाई मध्यनजर गर्दै आलोपालो प्रणाली लागू गरिएको हो ।

धनुषाका सिडिओ बन्धु प्रसाद वास्तोलाले एक सूचना जारी गर्दै धनुषाको १७ वटै स्थानीय तहको लागि दिन तोकेर सेवाग्राही आउन आग्रह गरेका छन् ।

जसको लागि प्रत्येक आईतबार धनुषाको सबैला नगरपालिका, नगराईन नगरपालिका र गणेशमान चारनाथ नगरपालिकाको वासीन्दाहरु मात्र सिडिओ अफिसमा सेवा लिन पाउनेछन् । यी तीन नगरपालिकाका आम जनताले आईतबार बाहेक अन्य कुनै दिन सेवा पाउने छैनन् ।

सोमबार मिथिला बिहारी नगरापलिका, धनुषाधाम नगरपालिका र क्षीरेश्वरनाथ नगरपालिकाको पालो तोकिएको छ । प्रत्येक सोमबार यी तीन स्थानीय तहको जनताले मात्र सेवा पाउनेछन भने अन्य पालिकाको नागरिकले तोकिएको स्थानीय तह बाहेक सेवा नपाउने सिडिओ भट्टराईले जानकारी दिए ।

यस्तै, मँगलबार मुखियापट्टी गाउँपालिका, जनकनन्दिनी गाउँपालिका र मिथिला नगरपालिकाको पालो तोकिएको हो । बुधबार भने लक्ष्मिीनियाँ गाउँपालिका, हँसपुर नगरपालिका र बटेश्वर गाउँपालिकाको पालो तोकिएको हो ।

विहिबार औरही गाउँपालिका, शहिदनगर नगरपालिका, विदेह नगरपालिका र धनौजी गाउँपालिकाको पालो तोकिएको सूचनामा उल्लेख छ । यी दिन यी ४ बाट मात्र स्थानीय तहका नागरिकले सिडिओ अफिसमा सेवा लिन पाउनेछन् । विहिबार बाहेक अन्य दिन गएमा सेवा पाउने छैनन् ।

कोरोना भाइरसको सँक्रमणलाई झन फैलिन नदिनको लागि भीडभाड कम हुने गरी आलोपालो सिस्टम लगाएको सिडिओ बन्धु प्रसाद वास्तोलाले जानकारी दिए । यसबाट भीड नियन्त्रण हुने विश्वास जनाए ।

सोही क्रममा प्रत्येक शुक्रबार जनकपुरधाम उपमहानगरपालिका र कमला नगरपालिकाको पालो तोकिएको हो । शुक्रबार मात्र जनकपुरधाम उपमहानगरपालिकाको वासिन्दा र पूर्वी धनुषाको कमला नगरपालिकाको वासिन्दाले सेवा लिन पाउनेछन् ।

सूचनामा कमला नगरपालिका उल्लेख नभएको भन्दै समाजिक सँजालमा अलमलता भएपछि सिडिओ वास्तोलाले टाइप गर्न भूल भएको भन्दै शुक्रबार नै कमला नगरपालिकाको पालो रहेको बताए ।

सो क्रममा सँघ सँस्था दर्ताको लागि आईतबारदेखि बुधबार र पत्रपत्रिका, विद्यान सँशोधन लगायतका कार्यहरु विहिबार र शुक्रबार मात्र हुने जनाइएको छ ।