धनुषाः ट्रिपर र बस एक आपसमा ठोक्किदा १७ जना घाईते, बस र ट्रिपरलाई ल्याउने तयारी

न्यूज ब्यूरो, जनकपुरधाम । प्रदेश २ को अस्थायी राजधानी जनकपुरधाम देखि केही किलोमिटरको दुरीमा धनुषाको बहडरी स्थित ट्रिपर र बस एक आपसमा ठोक्किदा १७ जना घाईते भएका छन् ।

पूर्व–पश्चिम राजमार्ग अन्तर्गत धनुषाको मिथिला नगरपालिका वडा नम्बर ९ बडहरीस्थित रहेको श्वस्तिका होटेल अगाडी पश्चिमबाट पूर्वतर्फ आउँदै गरेको प्रदेश २–०३–००१ क ६९० नबम्बरको टिपर र विपरित दिशाबाट जाँदै गरेको बस एकआपसमा ठोक्किदा १७ जना घाइते भएको जिल्ला प्रहरी कार्यालय धनुषाले जनाएको छ ।

घाइते मध्ये बस चालक काठमाडौ बस्ने अन्दाजी ४२ बर्षिय केशव संग्रौलाको अवस्था गम्भर रहेको प्रहरीले जनाएको छ । प्रहरीका अनुसार दुर्घटनामा १० जना मध्यम घाइते र ६ जना सामान्य घाइते भएका हुन् । उनीहरू सबैको लालगढस्थित मोडेल हस्पिटलमा उपचार भइरहेको प्रहरीले जनाएको छ ।

सो दुर्घटनामा परी काठमाडौं बस्ने अन्दाजी वर्ष ४२ को केशव संग्रौलाको दुबै खुट्टा र हातमा चोट लागको र अवस्था गम्भिर रहेको छ । पर्सा रानीघाट वडा नं. ८ बस्ने अन्दाजी वर्ष ४० को नन्दु बैठाको दाहिने कुम्भ र टाउकोमा चोट अवस्था मध्यम रहेको छ ।

यस्तै, सोही दुर्घटनामा परी मोरंङ्ग जिल्लाको विराटनगर ४ बस्ने अन्दाजी वर्ष ४५ को बद्री भुजेल, सप्तरी हरीपुर चितामन ७ बस्ने वर्ष ३० कि आशा देवी चौधरी, सप्तरी कञ्चनपुर ७ बस्ने वर्ष ४० को महिनारायण पंडित, सर्लाही बागमती नपा ८ बस्ने वर्ष १३ कि पर्वता ठकुरी, सर्लाही हरिपुर नपा १ बस्ने वर्ष ४८ कि यम कुमारी खडका, सर्लाही हरिवन नपा २ बस्ने रञ्जु महराको छोरा वर्ष वर्ष ५ को सुजित महरा, हरिवन नपा २ बस्ने रञ्जु महराको छोरा अन्दाजी बर्ष ७ को अभिषेक महरा, सर्लाही बागमति नपा ४ बस्ने वर्ष ४० कि राम प्यारी देवी महतो, सर्लाही ईश्वरपुर नपा ५ बस्ने सती देवी महतोको छोरी वर्ष ९ कि सोनु कुमारी महतो, पर्सा विरगंज १४ बस्ने वर्ष ३७ कि अस्मिता पटेल, पर्सा विरगंज १४ बस्ने वर्ष १४ कि सम्झना पटेल, पर्सा विरगंज १४ बस्ने वर्ष १० को आयुष पटेल, पर्सा विरगंज १४ बस्ने वर्ष ९ को अंश पटेल, पर्सा विरगंज १४ बस्ने वर्ष १४ को रितेश पटेल र सिरहा गोलबजार बस्ने वर्ष १२ कि रुपा शाही ठकुरी रहेको प्रहरीले जनाएको छ ।

यता, टिपर चालक फरार रहेकोमा उनको खोजी कार्य भइरहेको इलाका प्रहरी कार्यालय ढल्केवरले जनाएको छ ।