वडा कार्यालयमा वडाध्यक्षको यस्तो शैली, आसेपासेलाई दिनभरि अफिसमै सुताउँछन्

न्यूज ब्यूरो, सिरहा । प्रदेश नम्बर २ को सिरहा जिल्लास्थितको एक नगरपालिकाका एक वडाध्यक्षले वडा कार्यालयलाई गेष्ट हाउस जस्तै बनाएर राखेका छन् ।

सिरहा जिल्लाको नरहा गाउँपालिकामा वडा नम्बर १ देबिपुरका वडाध्यक्ष अशोक साहले वडा कार्यालयलाई नै गेष्ट हाउस बनाएर राखेका छन् । वडा कार्यालयमा अनुशासनहिनताको तस्विर छर्लङग छ ।

महिनामा केही दिन मात्र वडा कार्यालय आउने वडाध्यक्ष साहले आफ्ना नजिकी मान्छे, आफन्तजनलाई वडा कार्यालय ल्याएर राख्ने गरिन्छ । सरकारी कार्यालयको अनुशासनलाई तोडेर वडाध्यक्ष साहले आफ्ना आफन्तजन सहित आसेपासेलाई मनोमानी गर्न दिएको गुनासो गरिएको छ ।

वडा कार्यालयमा सेवाको लागि आउने सेवाग्राहीलाई स्थान नदिएर वडाध्यक्ष साहका आसेपासे जतिबेला पनि कार्यालयको सोफामा सुत्ने गरेको गुनासो एक सेवाग्राहीले भने । “बुढापाखा आउँदा पनि बस्न नदिने, आफ्नो घर जस्तै जतिबेला पनि सोफामा सुतिरहने प्रवृतिले आम नागरिकलाई दिक्कत भएको छ ।”– उनले भने ।

वडाध्यक्ष साहमाथि विभिन्न समयमा भ्रष्टाचारको आरोप लगाउँदै हरहिसाबको लागि वडाकार्यालय घेराउ गर्दै आएका वडावासीहरुले वडाध्यक्ष साह अझै बानी नसुधारेको आरोप लगाएका छन् ।

वडाध्यक्षले आफ्नो पार्टीको कार्यकर्तालाई सहज हुने कार्य गर्छ र आफ्नो पार्टी बाहेक को आमसर्वसधारण जनतालाई होच्याउने , दुख दिने कार्य गरिरहेको आरोप लगाएको छ ।

“वडा कार्यालयमा कर्मचारी भन्दा उनका आफन्त, आसेपासे चलाउँछ्न वडा कार्यालय । वडा कार्यालयमा रहेको समागृही फोटोकपी गर्ने मेसिन गाउँकै मान्छेले आफ्नो मनमर्जीले चलाएको छ र चर्को रुपैयाँ लिने गरेको छ ।”– नाम नखोल्ने शर्तमा एक स्थानीयले भने ।

फोटोकापी मेसिन राख्ने व्यक्ति वडाध्यक्षको आफनै आसेपासेका मान्छे रहेकोले उनलाई कार्यालयभित्रै नीजि फोटोकापी पसल खोल्न दिएको आरोप छ । यस सन्दर्भमा वडाध्यक्ष साहसँग सम्पर्क गर्दा सम्पर्क भने हुन सकेनन् ।