'यसै महिनादेखि रेल चल्छ, किसानहरुको लागि मेरो कित्ता एप' : प्रधानमन्त्री ओली

न्यूज ब्यूरो, जनकपुरधाम । देशका प्रधानमन्त्री केपी शर्मा ओलीले यसै महिनादेखि नेपाल रेल्वे (जनकपुर–जयनगर) रेल्वे सँचालनमा आउने बताएका छन् ।

बुधबार विहान प्रधानमन्त्री ओलीले देशवासीको नाममा सम्बोधन गर्दै महिनौदेखि थन्काएर राखिएको रेल पनि यसै महिनादेखि सँचालनमा आउने बताएका हुन् ।

वर्तमान सरकारले दैनिक रुपमा ५ किलोमिटर सडक बनाउने गरेको बताउँदै उनले रेल्वे सँचालनको लागि सबै प्रक्रिया पुरा भएको र यसै महिनादेखि रेल्वे सँचालनमा आउने दाबी गरेका छन् ।

सम्बोधनको क्रममा उनले छिट्टै पूर्व पश्चिम रेलमार्ग पनि बन्ने बताए । सम्बोधनको क्रममा उनले धनुषाको इनर्वामा थन्काएर राखिएको रेल्वे यसै महिनादेखि सँचालनमा ल्याउने बताएका छन् ।

उनले विद्यालयहरु स्तरोन्नीको क्षेत्रमा फडको हानेको बताए । ओलीले कोभिड–१९ को महामारीबीच वर्ष २०७७ मा विकास निर्माणका काममा थप सफलता हासिल गराएर सरकारले उक्त वर्ष निरर्थक हुन नदिएको बताएका छन् ।

नयाँ वर्ष २०७८ को पहिलो दिन बुधबार (आज) सिंहदरबारस्थित प्रधानमन्त्री तथा मन्त्रिपरिषद्को पुनःनिर्मित कार्यालयबाट राष्ट्रका नाममा सम्बोधन गर्दै प्रधानमन्त्री ओलीले काठमाडौँबासीको दसकौँदेखिको सपना पूरा गरिएको र नयाँ नयाँ विकासका कामहरु पूरा गरिएको र त्यो क्रम जारी रहेको बताए ।

सम्बोधन क्रममा उनले वर्ष २०७७ मा विभिन्न क्षेत्रमा भएका उपलब्धि र चुनौतीबारे पनि उल्लेख गरिरहेका छन् ।

किसानहरुले मेरो कित्ता एप्स सँचालनको लागि प्रक्रिया अगाडी बढाइएको बताए । किसानहरुले आफ्नो लालपूर्जा सहित अन्य जग्गाको कागजातहरु मोबाईल एप्सबाटै हेर्न पाउने बताए । केही बेरमा मेरो कित्ता कार्यक्रम पनि सँचालनमा आउने उनले बताएका छन् ।