एक महिना विद्यालय बन्द गर्न स्वास्थ्य मन्त्रालयको सिफारिस

न्यूज ब्यूरो, काठमान्डौं । स्वास्थ्य तथा जनसंख्या मन्त्रालयले काठमाडौं उपत्यकासहित ठूला शहरका विद्यालय एक महिना बन्द गर्न सिफारिस गरेको छ ।

यो अवधिमा अनलाइन कक्षामार्फत पठन पाठन गराउन स्वास्थ्य मन्त्रालयको सुझाव छ ।

अहिले देखिएको कोरोना भाइरसको नयाँ भेरियन्ट युवा र कम उमेर समूहमा देखिएको मन्त्रालयको विश्लेषण छ । यो चेन ब्रेक गर्न कम्तीमा ३० दिन विद्यालय बन्द गरी पठनपाठन अनलाइनमार्फत गराउन खोजिएको स्वास्थ्यमन्त्री हृदयेश त्रिपाठीले जानकारी दिए ।

उनका अनुसार यसबारे कोभिड–१९व्यवस्थापन सेन्टर (सीसीएमसी) र मन्त्रिपरिषदमा पनि छलफल भएको छ । तर यसबारे निर्णय हुन बाँकी छ ।

यसअघि पनि सिसिएमसीले विद्यालय बन्द गरी अनलाईन कक्षा सँचालनको लागि सिफारिस गरेपनि विद्यालयहरुको छाता सँगठन प्याबसन, एनप्याबसनहरुले विद्यालय बन्द गर्न दबाब दिएको थियो ।

आज स्वास्थ्यमन्त्री र मन्त्रालयले नै सिफारिस गरेपछि एक महिना विद्यालय बन्दको हुने सम्भावना पनि प्रबल देखिन्छ । यद्यपी, अधिकारिक निर्णय भने भएको छैनन् ।