जनकपुरमा 'जनमत पार्टी' महाअधिवेशनको विशाल तैयारी, २५ हजार स्वयँसेवक परिचालन हुने

न्यूज ब्यूरो, जनकपुरधाम । आउँदो चैत्त २८ गते प्रदेश नं. २ को अस्थायी राजधानी जनकपुरधाममा हुने जनमत पार्टी Janamat Party को प्रथम महाधिवेशन Janamat Party First Supersession को लागि २५ हजार स्वयँसेवक परिचालन गरिने भएको छ ।

डा. सिके राउत Dr. Ck Raut नेतृत्वको जनमत पार्टीको प्रथम महाधिवेशनलाई पार्टीले ऐतिहासिक अधिबेशनको सँज्ञा दिएको हो । जसमा २५ हजार स्वयँमसेवक दस्ताको उपस्थिति रहने दाबी गरिएको छ ।

आज बुधबार महाधिवेशन प्रतिनीधिको अन्तिम सूचि प्रकाशित गरिने पार्टीको मिडिया कोर्डिनेटर ईन्द्रजीय यादवले जानकारी दिए । उनका अनुसार, विदेशबाट पनि अतिथि आउने भएको छ ।

“विदेशबाट पनि अतिथिगण आउनुहुनेछ । तर, अहिले फिक्स भएको छैन् । आजै अतिथिहरुको समेत नामावली फाइनल गरी उहाँहरुलाई आमन्त्रित गरिनेछ ।”– कोर्डिनेटर यादवले भने ।

चैत्त २८ गते जनकपुरको बाह्रविघा रँगभूमि मैदानमा आयोजना हुने प्रथम महाधिवेशनमा आम सर्वसाधारणलाई समेत उपस्थिति जनाउन आग्रह गरिएको हो । पार्टीले सर्वसाधारणहरुको लागि समेत स्थानको व्यवस्था गरेको बताएको छ ।

तराई मधेशको २२ जिल्ला सहित देशको अन्य जिल्लाहरुबाट जनमत पार्टीका नेता तथा कार्यकर्ताहरु सहभागीता जनाउनेछ । अधिवेशनमा २५ हजार स्वयँसेवकको दस्ता परिचालन गर्ने पहिलो राजनीतिक पार्टीको रुपमा भएको दाबी गरिएको छ ।

“डा. सिके राउत देश विदेशमा एक ब्राण्ड हुन्, उहाँलाई हेर्न भएपनि हजारौंको सँख्यामा सर्वसाधारणहरु आउने गरेको कुरा कसैबाट लुकेको छैन् । यो प्रथम ऐतिहासिक अधिवेशनबाट चयन हुने नयाँ कार्य समितिले मधेशमा रामराज्यको अनूभूति दिलाउनेछ ।”– मिडिया कोर्डिनेटर यादवको कथन छ ।

महाधिबेशनमा पार्टीको उपाध्यक्ष पदमा ईन्जिनीयर बसन्त कुशवाहा जस्ता दुदर्शी व्यक्तिहरुले उम्मेदवारी दिएका छन् । गैर आवासीय मधेशी सँघका अन्तराष्ट्रिय अध्यक्ष भएका ई. कुशवाहा विदेशबाट दर्जन बढी मधेशीहरुलाई उद्धार गरी सकुशल नेपाल फर्काउने चीरपरिचित उम्मेदवार हुन् ।

पार्टीका प्रवक्ता समेत रहेका मो. अब्दुल खान, इन्जिनीयर दिपक साह र नरेन्द्र चौधरी जस्ता परिचित व्यक्तिहरुले पार्टीको उपाध्यक्ष पदको लागि उम्मेदवारी दिएका हुन् ।

यही महाधिवेशनको लागि डा. सिके राउत Dr Ck Raut ले स्वयमँ पनि अध्यक्ष पदको लागि एक्लो उम्मेदवारी दर्ता गराएका हुन् ।