मन्त्री सोनलद्धारा दलित विद्यालयको शिलान्यासः 'जातीय छुवाछुत की विकास ?'

न्यूज ब्यूरो, बारा । प्रदेश नम्बर २ को बारा जिल्लास्थित भौतिक पूर्वाधार तथा यातायात मन्त्री जीतेन्द्र सोनल Minister Jitendra Sonal ले दलित विद्यालयको शिलान्यास गरेका छन् ।

आईतबार दिउँसो बारा जिल्लाको बिश्रामपुर गाउँपालिका वडा नम्बर ५ इटिहाईस्थित मन्त्री सोनलले दलित विद्यालय Dalit School को शिलान्यास गरेका हुन् ।

बाराको क्षेत्र नम्वर ४ ‘ख’ बाट निर्वाचित मन्त्री सोनलले आफ्नो संसदीय विकास कोषबाट सो विद्यालय निर्माण गर्न लागिएको बताइएको छ ।

कोषको २५ लाख रुपैयाँ दलित विद्यालय भवन निर्माणका लागि छुट्याएको बताइएको छ । यद्यपी, दलित समुदायको लागि अलगै दलित विद्यालयको शिलान्यासपछि जातीय छुवाछुतलाई बढाबा दिएको टिप्प्णी गरिएको छ ।

२५ लाख रुपैयाँ छुटयाइएको सो विद्यालयमा शौचालयसहित तीन कोठे भवन निर्माण हुने बताइएको छ ।

उनले दलितलाई शिक्षामा पहुँच पुर्याउन शिक्षा क्षेत्रमा लगानी बढाउनुपर्नेमा जोड दिँदै दलितलाई आर्थिक, सामाजिक एवम् शैक्षिक रुपमा उकास्नुपर्ने तर्क राखेका थिए ।

दलित समुदायका बालबालिकालाई शिक्षामा पहुँच बढाउन विद्यालय निर्माण गर्न लागिएको मन्त्री सोनल Jitendra Sonal को कथन थियो, तर सोही ठाउँबाट दलित विद्यालय Dalit School भनिएपछि अनेकानेक टिकाटिप्पणी गरिएको हो ।