जनकपुरमा एक बाबा मृत फेला

न्यूज ब्यूरो, जनकपुरधाम । प्रदेश २ को अस्थायी राजधानी जनकपुरधाममा एक साधु बाबा मृत अवस्थामा फेला परेको छ ।

जनकपुरधाम उपमहानगरपालिका वडा नम्बर २ शिवचोकस्थित रहेको वेलकम होटल अगाडि सडक छेउमै एक साधु बाबा मृत अवस्थामा फेला परेको हो ।

जिल्ला प्रहरी कार्यालय धनुषाका अनुसार, मृतक बाबा धनुषाको धनौजी गाउँपालिका वडा नम्बर ८ लखौरी घर भएका ७० वर्षीय साधु सुखन दास बाबा मृत फेला परेका हुन् ।

उनी जनकपुरमा माग्दै हिडेका थिए र विरामी भएकै कारण उनको मृत्यू भएको हुन सक्ने प्रहरीको अनुमान छ ।

उनको साथबाट केहि नगद र प्रादेशिक अस्पतालमा उपचार गराएको पूर्जी पनि फेला परेको प्रहरीको भनाई छ ।