प्रदेश २ः घाँस काट्न गएकी एक युवति सहित ६ बालिका बेपत्ता, अझै फर्केनन घर, टोलमा रुवाबासी !

न्यूज ब्यूरो, जलेश्वर । प्रदेश नम्बर २ को महोत्तरी जिल्लाकी ७ बालिका एकैपटक बेपत्ता भएपछि टोलमा रुवाबासी छाएको छ ।

महोत्तरी जिल्लाको भँगहा नगरपालिका वडा नम्बर ८ धर्मपुर टोलकी ७ बालिका बेत्तपा भएपछि अहिले सो टोलमा त्रास छाएको छ । उनीहरु अझै घर फर्केकी छैनन् ।

मंगलबार दिउँसो करिब २ः०० बजेकै समयमा घाँस काट्न निस्केपनि राती १० बजेसम्म नआएपछि उनीहरुको खोजबिन तीव्र पारिएको हो । तर,अझै उनीहरु भेटाएकी छैनन् ।

बेपत्ता हुनेहरूमा २० वर्षीया अस्मिता पासवान, १३ वर्षीया ज्योति पासवान, १३ वर्षीया रिया पासवान, ११ वर्षीया अर्चना पासवान, १७ वर्षीया नगिना पासवान, १२ वर्षीया रंजना पासवान र १२ वर्षीया सीमा पासवान रहेका छन् । उनीहरू सबै एउटै टोलका हुन् ।

‘उनीहरू सधैँ समूहमै घाँस काट्न जान्थे र साँझसम्म फर्किहाल्थे तर आज नफर्केपछि हामी खोजतलासमा जुट्यौँ । प्रहरीलाई पनि जानकारी गराएका छौँ, ज्योतिका बुवा विष्णु पासवानले भने, ‘घरबाट करिब एक किलोमिटरको दूरीमा रहेको पूर्वपट्टीको चौरमा उनीहरूलाई घाँस काट्दै गरेको स्थानीयले देखेका थिए ।’

उनीहरु समूहमै घाँस काट्न घर नजिकैको चौरमा दिउँसो गएको र साँझसम्म घर नफर्किदा खोजबिन सुरु गरेको भंगहा नगरपालिकाका मेयर संजिव साहले बताए।

मंगलबार दिउँसो घर नजिकैको खेतबारीमा घाँस काट्न गएका उनीहरु अबेर साँझसम्म घर नफर्किएको भंगहा नगरपालिकाका मेयर संजिव कुमार साहले जनाए ।

साँझ ढिलासम्म घर नफर्किएपछि स्थानीय त्रसित भएका छन् । सो घटनाको जानकारी मेयर साहले आफ्नो फेसबुकमा लेखेर गराएका हुन् । स्थानीयहरु अझै उनीहरुको खोजी जारी राखेको छ ।

महोत्तरीका प्रहरी उपरीक्षक दिनेश आचार्यले बेपत्ता युवती तथा बालिकाहरुको खोजी गर्न प्रहरी टोली पठाइएको बताए।

नेपाल–भारतको सीमामा समेत विभिन्न ठाउँमा प्रहरी खटाइएको जनाइएको छ । एक युवति सहित ६ बालिकाहरुको अवस्था अझै अज्ञात हुनु घटना रहस्मयी देखिएको छ ।