होलिका दहनको सट्टा गाउँपालिका अध्यक्ष राउतको पुतला दहन

न्यूज ब्यूरो, जनकपुरधाम । धनुषाको बटेश्वर गाउँपालिकाका अध्यक्ष डम्बर बहादुर राउतको पुतला दहन गरिएको छ ।

आईतबार परेको होलिका दहनको सट्टा जसपा समर्थित युवाहरुले बटेश्वर गाउँपालिकाको मुख्य द्धारमै गाउँपालिका अध्यक्ष राउतको पुतला दहन गरेको हो ।

जसपाका युवा नेता अजय कुमार राउतको अगुवाईमा आईतबार गाउँपालिकाको मूलद्धारमा गाउँपालिका अध्यक्ष राउतको पुतला बनाएर जलाएका हुन् ।

८ लाख रुपैयाँ घुस प्रकरणपछि फरार रहेका गाउँपालिका अध्यक्ष राउतको विरोधमा युवाहरुले उनको पुतला दहन गरेको हो । गाउँपालिका अध्यक्ष अहिलेसम्म सम्पर्कविहिन रहेका छन् ।

गाउँपालिका भवन निर्माणको लागि ठेकेदारबाट ८ लाख रुपैयाँ लिएको आरोपमा अख्तियारले उनलाई पछयाएको थियो । रकम फालेर अध्यक्ष राउत फरार भएका हुन् ।

किन भागे गाउँपालिका अध्यक्ष ?

गत फागुन १७ गते प्रदेश नम्बर २ को धनुषास्थित बटेश्वर गाउँपालिका अध्यक्ष राउतको गाडीबाट ८ लाख रुपैयाँ बरामद भएको थियो ।

धनुषाको उत्तरी पश्चि स्थित रहेको बटेश्वर गाउँपालिकाका अध्यक्ष डम्बर बहादुर क्षेत्री (गणेश राउत) ले चढदै आएको सरकारी गाडीबाट ८ लाख रुपैयाँ बरामद भएपछि गाउँपालिका अध्यक्ष हामफालेर भागेका हुन् । उनी अझै फरार अवस्थामै छन् ।

अध्यक्ष राउतल चढ्दै आएको सरकारी गाडीबाट ८ लाख अवैध घुस रकमसहित गाडी चालक अख्तियारको फन्दामा परेको जनाइएको छ ।

अख्तियार दुरुपयोग अनुसन्धान आयोग टँगालबाट खटि गएको टोलीले अध्यक्ष राउत चढने गाडीबाट ८ लाख रुपैयाँ बरामद गरेको थियो ।

गाउँपालिकाले निमार्ण गरेको निर्माणको भवन निमार्णको क्रममा ठेकेदारसंग ८ लाख रुपैयाँ घुस रकम लिएको आरोपमा अख्तियारको टोलीले सोमवार साँझ गाउँपालिका अध्यक्ष राउतलाई अख्तियारको टोलीले पछ्याएको थियो ।

बटेश्वर गाउँपालिकाले अध्यक्षले चढ्दै आएको पालिकाको स्कारपियोबाट ८ लाख रुपैया बरामद भएको हो । ८ लाख रुपैयासहित गाडी र चालकलाई अख्तियारले टोलीले नियन्त्रणमा लिएको थियो । अध्यक्ष राउत अझै सम्पर्कविहिन भएका छन् ।