धनुषाको धनौजीमा लक्ष्मीनारायण मन्दिर बन्ने

न्यूज ब्यूरो, धनुषा । धनुषाको धनौजी गाउँपालिकास्थित भगवान लक्ष्मी नारायणको मन्दिरको शिलान्यास गरिएको छ ।

जनता समाजवादी पार्टीका वरिष्ठ नेता राजेन्द्र महतोको निर्वाचन क्षेत्र नं. ३ को धनौजी गाउँपालिका वडा नम्बर १ लखौरी टोलमा लक्ष्मीनारायणको मन्दिरको शिलान्यास गरिएको हो ।

जसपा नेपाल धनुषाका युवा नेता एवम् धनौजी गाउँपालिकाका प्रत्यासी अध्यक्ष जीवेन्द्र झाको अगुवाई मन्दिर शिलान्यास गरिएको हो । २० लाख रुपैयाँको लागत सो स्थानमा मन्दिर बन्ने भएको छ ।

स्थानीयहरुको पुरानो आस्थाको कारण उनीहरुले माग गरे बमोजिम प्रदेश सरकारको सहयोगमा हिन्दु धर्मावलम्बीहरुको आस्थाको केन्द्र लक्ष्मीनारायणको मन्दिर निर्माण गरिने युवा नेता जीवेन्द्र झाले जानकारी दिए ।

सोही क्रममा धनौजी गाउँपालिका वडा नम्बर ४ भडरियास्थित समुदायिक भवन निर्माणको लागि शिलान्यास गरिएको हो । टोलमा समुदायिक भवन निर्माण हेतु शुक्रबार नै शिलान्यास गरिएको छ ।

कार्यक्रममा प्रेसमँचका उपाध्यक्ष विन्द किशोर साह, धनुषा जिल्ला उपाध्यक्ष सँजीव झा, क्लोथ बैंक जनकपुरका अध्यक्ष राजीव झा सहित जसपाका नेता तथा कार्यकर्ता सहित स्थानीयहरुको उपस्थिति रहेको थियो ।